लेखनाथ, ४ चैत्र । पोखरा महानगरपालिका सामाजिक शाखाको आर्थीक सहयोगमा पोखरा महानगरपालिका वडा नम्वर २६ मा रहेको स्वर्णीम महिला समुहलाई कला,ध र्म र संस्कृतिको संरक्षणमा सहयोग पुग्ने उदेश्यले वाद्यवादनका साधन हस्तान्तरण गरिएको छ ।
स्थानिय स्तरमा धर्म र संस्कृतिका बारेमा जानकार हुँदै नेपालका परम्परागत खैजरी, मादल र मुजुराको संरक्षणमा सहयोग पुग्ने गरि स्वर्णीम महिला समुहलाई उक्त सामाग्री सहयोग गरिएको हो ।
कार्यक्रममा वोल्दै पोखरा महानगरपालिका वडा नम्वर २६ का वडासदस्य तिर्थ वहादुर राजभाटले धार्मिक कार्यमा होस् वा अरु कुनै पनि कार्यक्रम गर्दा मनोरंजनका लागि संगित महत्वपुर्ण हुने बताउदै महिला समुहको सकारात्मक काममा वडा सरकार साथमै रहेको महसुस गरेर अभिभावक बिहिन छौ भन्ने महसुस नगर्न अनुरोध गरेका थिए ।
सोही अवसरमा पोखरा महानगरपालिका सामाजिक शाखाकी प्रमुख चन्द्रावति वाग्लेले संगित श्रष्टा र कला महिलाहरुसँग जोडिएको प्रशंग उठाएकी थिईन भने स्थानिय समाजसेवी ईश्वरराज भण्डारीले संगित, धर्म रितिरिवाज र समाज सम्बन्धको बिषयमा व्याख्या गरेका थिए ।
स्वर्णीम महिला समुहकी अध्यक्ष निर्मला अधिकारीको अध्यक्षतामा भएको कार्यक्रममा स्थानिय बुद्विमोहन अधिकारी, खेमराज बराल लगाएतले आ आफनो भनाई राखेका थिए । समुहकी सचिव दिपा विकले संचालन गरेको कार्यक्रममा स्वागत मन्तव्य उपाध्यक्ष बिष्णु लामिछानेले गरेकी थिईन ।
Discussion about this post