लेखनाथ,७ फागुन । आम निर्बाचन २०८२ को पूर्वसन्ध्यामा लेखनाथ जेसिजले कास्की जिल्ला क्षेत्र नं १ का प्रत्यक्ष तर्फका उम्मेदवारलाई एउटै मञ्चमा जुटाएको छ ।
निर्वाचनको महाल ताती रहेको अवस्थामा घर दैलोमा चुनावी योजना सुनाउन ब्यस्त देखिएका उमेदवारहरुलाई लेखनाथ जेसिजले एउटै मञ्चमा राखेर जनताका माझ राखिएका प्रतिवद्धता सुनाउने अवसर जुराएको हो ।
आफना नेता तथा कार्यकर्तालाई लिएर पाटीले अगाडी सारेका एजेण्डा प्रस्तुत गर्ने वानी परेका उमेदवारले विहिवार भने अन्य पाटीका नेताले के वोले र कस्ता योजना ल्याएका रहेछन् भन्ने विषयका सुन्न र सुनाउन पाएपछि सवै उमेदवारहरु निर्धारीत समयको ख्याल गर्दै आफुले चुनाव जित्ने दावा गरेको देखिन्थो ।
पोखरा ३० को शिशुवाचोकमा राखिएको कार्यक्रममा नेताहरुले आफ्ना प्रतिवद्धता ब्यक्त गर्ने र आम नागरिकहरूबाट आएका प्रश्न हरूको जवाफ दिने प्रत्यक्ष संबादमा ढुक्क र निर्धक्कका साथ चुनाव जितेर काम गर्न तयार रहेको बाचा समेत गरेको देखिन्थो ।
कास्की जिल्ला क्षेत्र नं १ बाट प्रत्यक्ष तर्फ उमेदवारी दिएका १७ उमेदवारहरु मध्य १४ जनाको सहभागीता रहेको कार्यक्रममा विशेष गरि यस क्षेत्रको विकासका लागि नयाँ नयाँ योजनालाई अगाडी सारेको देखिन्यो भने संसदमा पुगेर जनचाहना अनुरुपको निती नियम वनाउन आफनो प्रयास रहने प्रतिवद्धता समेत जनाएका थिए ।
विशेष गरि कार्यक्रममा सहभागी उमेदवारहरुले यस क्षेत्रमा रहेका ताल,प्राकृतिक स्रोत र साधनको प्रयोग,शिक्षा,स्वास्थ्य,पर्यटन र कृर्षि उत्पादनलाई जोडेर रोजगार सृजना गर्ने योजनालाई अगाडी सारेका थिए । साथै सहभागी उमेदवारले औधिगीकरण,जलविद्युत,भष्टचार नियन्त्रण,धार्मीक एकताका वारेमा पनि आ आफना धारणा राखेका पाईन्यो ।
लेखनाथ जेसीजका अध्यक्ष सर्वेन्द्र न्यौपानेको अध्यक्षतामा भएको कार्यक्रममा कार्यक्रम संयोजक निवर्तमान अध्यक्ष कृष्ण तिवारी,पुर्व अध्यक्ष प्रकाश राईभाट र रोशन अधिकारीले सहजिकरण गरेका थिए ।
Discussion about this post