लेखनाथ, २० कार्तिक । पोखरा महानगरपालिका वडा नम्वर २८ को माझठानामा रहेको रत्नशोभा मावि विद्यालय ब्यवस्थापन समितिमा पुन कृष्णप्रसाद तिमिल्सेना चयन भएका छन् ।
पोखरा महानगरपालिका वडा नम्वर २८ शिक्षासमितिका संयोजक तथा वडाअध्यक्ष श्रीकृष्ण लामिछानेको अध्यक्षतामा भएको वैठकले स्थानिय शिक्षा नियमावली,परिच्छेद ५ नियम २९ अनुरुप आगामी तीन वर्षीय कार्यकालका लागि तिमिल्सेनालाई चयन गरिएको हो ।
प्रहरी सेवामा लामो अनुभव संगाल्दै पुर्व प्रहरी लेखनाथ ईकाइको अध्यक्ष, पुर्व प्रहरी प्रदेश कमिटीको सदस्य, लायन्स क्लवको विभिन्न तहमा पुगेर भरखरै मात्र लेखनाथ उद्योग बाणिज्य संघको कार्यसमिति सदस्यमा निर्वाचित तिमिल्सेनाले यस अघि पनि कुशलता पुर्वक विद्यालय ब्यवस्थापन समितिको जिम्मेवारी सम्हालीसकेका थिए ।
सर्वसम्वत रुपमा चयन भएको नौ सदस्यीय समितिको सदस्यहरुमा जनप्रतिनिधीको तर्फबाट वडाअध्यक्ष श्रीकृष्ण लामिछाने, सदस्यहरुमा सन्तोष वास्तोला, अनिता भुर्तेल, रामचन्द्र तिवारी, मुना लामिछाने, महोश्वर अधिकारी, शिक्षक प्रतिनिधीमा पुर्ण वहादुर खत्री र सदस्य सचिवमा विद्यालयका प्रधानध्यापक किरणबाबु न्यौपाने रहेका छन् ।
यसैगरि सोही वैठकले मंगलवहादुर नेपालीको अध्यक्षतामा शिक्षक अभिभावक संघको पनि गठन गरेको छ । जसको सदस्यमा गोविन्द प्रसाद लामिछाने, हरिमाया गुरुङ, विरेन्द्र लामिछाने र निर्मला परियार, निर्मदा तिवारी र शिक्षक प्रतिनिधि मनकला थापा रहेको विद्यालय शिक्षक ऋषिराम रानाभाटले जानकारी गराएका छन् ।
Discussion about this post