लेखनाथ,१२ कार्तिक । पोखरा महानगरपालिका वडा नम्वर २७ ले गत आर्थीक वर्षमा गरिव,विपन्न तथा न्यून आय भएका वडावासीका नाममा गरेको जिवन बिमा वापतको चार घर परिवारले मृत्युदावी भुत्तानी पाएका छन् ।
वडाले सामाजिक उत्तरदाईत्व अन्तरगत गत आर्थीक वर्ष तिन सय १७ जना न्युन आय भएका परिवारको नाममा बार्षिक एक लाख वुझाएर रिवर्टी माईक्रो लाईफमा जिवन विमा गराएको थियो । वडावासीको हितमा वडाले गरेको विमाबाट यो वर्ष मात्र चार जनाले सेवा पाएको वडाअध्यक्ष पुर्ण कुमार गुरुङले जानकारी दिएका छन् ।
विमा गरेको एक वर्षमा नै चार जनाले ज्यान गुमाएकाले उनिहरुको आश्रीत परिवारलाई जिवन बिमा कम्पनीबाट ५० वर्ष भन्दा तलको उमेर समुहका दुई घर परिवारलाई एक/एक लाख र ५० वर्ष भन्दा माथीको उमेर समुहका दुई घरपरिवालाई ५०/५० हजार रुपियाँ वरावरको मृत्युदावी भुत्तानी गराईको हो ।
पछिल्लो समय पोखरा २७ तिन तहरा वस्ने केश वहादुर रेश्मी मगरको गत एक महिना अगाडी मृत्यु भएकोले निजको श्रीमती टिका रेश्मी मगरलाई जिवन बिमा गरे वपतको रु ५० हजार रुपियाँ पोखरा महानगरपालिका वडा नं २७ का वडाअध्यक्ष पुर्ण कुमार गुरुङ र रिवर्टी माईक्रो लाईफका प्रवन्ध निर्देशक शिव प्रसाद पौडलले सम्युक्त रुपमा उत्त रकम वरावरको चेक हस्तान्त्रण गरेका हुन् ।
Discussion about this post