लेखनाथ, ६ असोज । पोखरा महानगरपालिका वडा नम्वर –२७ को तालचोकमा रहेको संमृद्धि बचत तथा ऋण सहकारी सस्थाले स्थापनाको छोटो समयमा आफनो शेयर पुँजी सात करोड नजिक पु¥याउन सफल भएको छ ।
लेखनाथ क्षेत्रका उद्योग ब्यवसायिहरुको सहभागीतामा वि स २०७१ साल स्थापना भएको सस्थाले ११ वर्षको दौडानमा दुई सय ५० जना शेयर सदस्यहरु मार्फत आफनो शेयर पुँजी छ करोड ६८लाख २४ हजार पु¥याउन सफल भएको हो ।
यसै विच सस्थाको सोमवार सम्पन्न ११ औं बार्षिक साधारण सभाको उद्घाटन गर्दै लेखनाथ उद्योग बाणिज्य संघकी नव निर्वाचित अध्यक्ष जानुका पराजुली अधिकारीले सहकारीमा सदस्य हुने तर आर्थीक कारोवा वाहिर बाहिर गर्ने प्रचलनलाई सुधार गर्दै सहकारीका क्षेत्रमा देखिएका केही समस्याले समग्र सहकारीलाई असर पु¥याएकाले शेयर सदस्य, संचालक समिति र कर्मचारीको सहकार्यबाट सहकारीलाई अगाडी वढाउनु पर्ने सुझाव राखेकी थिईन ।
सोही अवसरमा सस्थाका अध्यक्ष सुमन भट्टराईले सहकारीले शेयर सदस्यहरुका विच सहकार्य गर्न सिकाउने भएकाले संबृद्धि सहकार्यले निती र नियमलाई आत्मसाथ गर्दै ब्यवहारिक पक्षलाई समेत ध्यानमा राख्दै अग्रगामी बाटो अगालेको धारणा राखेका थिए ।
कार्यक्रममा सस्थाका सल्लाहकार छत्रधर आत्रेय,प्रादेशिक जनरल स्वास्थ अस्पताल संचालक समितिका अध्यक्ष ऋषिराम जमरकट्टेल,सस्थाका लेखा समितिका संयोजक उतमदत्त बराल, कोषाध्यक्ष रामजी पौडेल,लेखनाथ उद्योग बाणिज्य संघका वरिष्ठ उपाध्यक्ष गोपिचन्द्र वास्तोला, वित्तीय संघ सस्थाको तर्फबाट केशवराज पौडेल र सेयर सदस्यहरुको तर्फबाट उपेन्द्रराज सुवेदी राजु लगाएतले सस्थामा देखिएको कार्यगत एकताका कारण छोटो समयमा राम्रो प्रगती गर्न सफल भएको विचार राखेका थिए ।
सस्थाका अध्यक्ष सुमन भट्टराईको अध्यक्षतामा भएको कार्यक्रमको संचालन सचिव नवराज तिवारीले गरेका थिए भने धन्यवाद ज्ञापन उपाध्यक्ष प्रमोद भण्डारीले गरेका थिए ।
Discussion about this post