लेखनाथ, १३ असार । आफना सेयर सदस्यलाई उत्पादनमा जोड्ने उद्धेश्यले पोखरा महानगरपालिका वडा नं २६ मा रहेको सिलिङ्गे कृर्षि उत्पादक सहकारी सस्थाले फलफुलका विरुवा तथा कृषि सामाग्री वितरण गरेको छ ।
सहकारीले हरेक वर्ष जस्तै यस वर्ष पनि कृषि ज्ञान केन्द्र कास्कीको प्राविधिक सहयोगमा शुक्रवार एक कार्यक्रमका विच सेयर सदस्यको माग र आवस्यकतालाई हेरी अनुदानमा उन्नत जातका फलफुलका विरुवा र कृर्षि सामाग्री वितरण गरेको हो ।
कृर्षि सामाग्री वितरण गर्दै पोखरा महानगरपालिका वडा नं २६ का वडाअध्यक्ष नरेन्द्र थापाले राज्यको लगानीमा प्रदान गरिएका कृर्षि सामाग्रीको सहि तरिकाले उपयोग गर्ने र प्राप्त विरुवाको उचित रुपमा रेखदेख र संरक्षण गरेर आय आर्जनमा जोडिन आग्रह गरेका थिए । साथै उनले आफनो वडालाई कृषि उत्पादनबाट आत्मनिर्भर बनाउनका लागि कृर्षिका विभिन्न खालका कार्यक्रम ल्याएर आफुलाई आवस्यक पर्ने खाद्य सामाग्री देखि तरकारी जन्य वस्तु उत्पादनमा लाग्न सवैलाई अनुरोध समेत गरेका थिए ।
सोही अवसरमा कृर्षि ज्ञान केन्द्र कास्कीका प्रमुख किरण सिग्देलले समयको माग र वातारणीय मुल्याङ्गकन एवंम भुगोलका आधारमा तिनै तहको सरकारले किसान केन्द्रित कार्यक्रम ल्याएको जानकारी गराएका थिए ।
कार्यक्रममा सिलिङ्गे कृर्षि उत्पादक सहकारी सस्थाका अध्यक्ष ठाकुर प्रसाद रानाभाटले सहकारीले चालु आर्थीक वर्षमा सेयर सदस्यहरुलाई केन्द्र विन्दुमा राखेर उन्नत जातका मकै विउ,अदुवा,आलु,फलफुलका विरुवा तथा कृर्षि औजार वितरण गरेको जानकारी गराएका थिए ।
कार्यक्रममा सस्थाका निवर्तमान अध्यक्ष शैलेन्द्रमोहन भट्टराई र लेखनाथ खानेपानी उपभोत्ता सस्थाका अध्यक्ष मुरारी शर्माले सहकारीले सेयर सदस्यलाई आय आर्जनमा जोडिने गरि सरकारी निकायसँग सहकार्य गर्दै अगाडी वढेको बताए ।
सस्थाका अध्यक्ष ठाकुर प्रसाद रानाभाटको अध्यक्षतामा भएको कार्यक्रमको संचालन सचिव ईश्वरी प्रसाद अधिकारीले गरेका थिए भने स्वागत मन्तव्य कार्यक्रम संयोजक कृष्णहरी ढुगाना र सहकारीका सात शिध्यान्त सदस्य सिता ढुगानाले गरेकी थिईन ।
Discussion about this post