विकास खोज्नका लागि एकता

भिमपाणी वराल

लेखनाथ २३ जेठ । पोखरा महानगरपालिका भित्रै रहेर लेखनाथलाई उपनगरीको शहरका रुपमा विकास गराउनका लागि एकता सहितको साझा धारणा आवस्यक रहेको वताईएको छ ।

लेखनाथ पत्रकार मञ्चले शुक्रवार राखेको विकास वहसका अधिकाम्स वक्ताहरुले महानगरपालिका वनाउनका लागि पोखरामा लेखनाथलाई गाभिए पनि अव पुन लेखनाथ नगरपालिका कै खोजी गर्ने हो भने हामी फेरी विकासबाट पछि पर्ने भएकाले अवको आवस्यकता भनेको लेखनाथलाई नयाँ पोखराको रुपमा विकास गराउनु पर्नेमा जोड दिईएको हो ।

पोखरा महानगरपालिका वडा नं २६ देखि ३३ सम्मका आठवटा वडाका वडाअध्यक्षहरु प्रमुख बक्ताका रुपमा रहेको कार्यक्रममा विभिन्न संघ सस्थाहरुका प्रतिनिधीहरुले यस क्षेत्रको विकासमा प्रभाव पार्ने खालका राष्ट्रिय गौरवका योजनाको छनोट गरि तिनै तहको सरकारमा ध्यानाकर्षण गराउनु नै अहिलेको आवस्यकता भएको वताएका थिए ।

कार्यक्रममा गण्डकी प्रदेश प्रशिक्षण प्रतिष्ठानका संयोजक सुरेन्द्रवावु तिवारले स्रोत पत्र प्रस्तुत गर्दै यहाँ रहेका प्राकृतिक स्रोत र साधानको प्रचुर रुपमा प्रयोग गरि आय आर्जनमा जोडिने र पर्यटन प्रवद्धनमा सहयोग पुग्ने खालका योजनालाई अगाडी सारेका थिए । साथै उनले पहिलो विकास भनेको वडावाटै आफनो फोहोरको ब्यवस्थापनका योजना सहित सात तालको वगैचा शहरको नारालाई सार्थक रुप दिनका लागि एकिकृत ताल विकासका योजनाका बारेमा जानकारी गराएका थिए ।

हामी योजना वनाउने तर त्यसको कार्यान्वयनका सवालमा कम चासो देखाउदा हाम्रो विकास पछि परेको विषय उठान गर्दै तिवारीले पोखरा विश्वविद्यालय र गण्डकी विश्वविद्यालयलाई जोडेर विकास योजना वनाउन सकिने यस क्षेत्रमा वन्ने भनेको क्षेत्रिय वसपार्क र औधोगिक क्षेत्रका योजनाका वारेमा पाटी विषेश देखि जनप्रतिनिधीहरुले चासो पुर्वक विषय उठान गर्नु पर्ने सुझाव राखेका थिए ।

यसैगरि कार्यक्रममा वडा नं २७ का वडाअध्यक्ष पुर्ण कुमार गुरुङले विगतमा भए गरेका कमजोरीलाई एक ठाउमा राखेर नयाँ सोच र योजनाका साथ साविक लेखनाथ नभनी लेखनाथलाई नयाँ पोखराका रुपमा विकास गराउन सकिने योजनालाई अगाडी सार्न क्रमागत रुपमा अगाडी सार्न सकियो भने वल्ल हामीले सोचेको विकास भित्राउन सकिने तर्क राखेका थिए ।

त्यसैगरि कार्यक्रममा वडा नं ३३ का वडाअध्यक्ष रामचन्द्र अधिकारीले सरकारी काम गर्दा सरकारकै निकायवाट अवरोध सृजना हुने भएकाले योजना अनुसारको काम हुन नसकेको तर्क राख्दै राज्यको नागरिक भए पछि जनताले पनि कर्तब्य र भुमिका निभाउनु पर्नेमा जोड दिएका थिए भने वडा नं २८ का वडाअध्यक्ष श्रीकृष्ण लामिछानेले लेखनाथ क्षेत्रको सिर भनेको पाहाडी भु भाग भएकाले उत्त ठाउलाई कसरी सैन्दर्यकरण गर्न सकिन्छ भन्ने वारेमा एकिकृत योजनाको आवस्यता रहेको विचार राखेका थिए ।

लेखनाथ पत्रकार मञ्चका अध्यक्ष विष्णुहरि पौडेलको अध्यक्षतामा भएको कार्यक्रमको संचालन सचिव रामशरण नेपाली र स्वागत मन्तव्य निवर्तमान अध्यक्ष कविराज खनालले गरेका थिए भने कार्यक्रमको सहजकर्ताको रुपमा मञ्चका उपाध्यक्ष सन्दिप पौडेल र टिप्पणीकारको रुपमा मञ्चका सस्थापक अध्यक्ष भीमपाणि बराल र पुर्व सल्लाहकार भरतप्रसाद तिवारी रहेका थिए ।