लेखनाथ, १४ बैशाख । पोखरा महानगरपालिका वडा नं २७ को तालचोकमा प्रधान कार्यालय रहेको लेखनाथ सामुदायिक बचत तथा ऋण सहकारी संस्थाले आफना सेयर सदस्यहरुलाई सहकारी शिक्षा तथा वित्तिय साक्षरता तालिम दिएको छ ।
सस्थाको आफनै सभाहलमा दुई दिनसम्म चलेको तालिममा आम्दानी र खर्चको उचित रुपमा ब्यवस्थापन गर्दै भोलीका लागि वचत गर्ने तरिकाका वारेमा जानकारी गराउदै आय आर्जनका लागि उत्पादनसँग जोडिन आग्रह गरिएको थियो ।
कार्यक्रममा साना किसान विकास लघुवित्तिय सस्थाका साखा प्रमुख पदम रेग्मीले आजको गाँस कटाएर भोलीका लागि बचत गर्न सकिने उपायले खर्चलाई नियन्त्रण गर्ने र सानो वचतले पनि भविश्यमा ठुलो सहयोग पुग्नेमा जोड दिएका थिए ।
त्यसैगरि लेखनाथ सामुदायिक बचत तथा ऋण सहकारी संस्थाका प्रमुख कार्यकारी अधिकृत संकरप्रसाद पौडेलले आम्दानीको लेखा जोखा गरि अब्ठारो अवस्थामा आउन सक्ने आर्थीक समस्यालाई सहज बनाउनका लागि बैक तथा वित्तिय सस्थाको सेयर खरिद,जिवन विमा योजना,गर गहनाको खरिद देखि आफुसँग भएको पौसालाई सहि ठाउमा लगानी गर्न सकिने उपायका वारेमा जानकारी गराएका थिए ।
सस्थाका अध्यक्ष मेजर रामप्रसाद गुरुङको अध्यक्षतामा भएको कार्यक्रममा राष्ट्रिय सहकारी बैक तालचोक साखाका प्रमुख सृजना हुमागाई र सस्थाका उप प्रबन्धक विष्णु प्रसाद चापागाई लगाएतले सहकारी शिक्षा र उत्पादनसँग जोडिनका लागि सहुलियत दरमा ऋण लिएर पनि आय आर्जनमा जोडिन सकिने विचार राखेका थिए ।
Discussion about this post