लेखनाथ, २६ चैत्र । ङ्योए तमु धिं लेखनाथ अन्तरगत रहेका तमु समाजेले हर्सोल्लासका साथ ट्होटें पर्व मनाएका छन् । चैत्र महिनाको अन्तिम मंगलबार संस्थामा आबद्व २६ समुहले सामुहिक रुपमा भेला भएर तामझामका साथ टोहोटे पर्व मनाएका हुन् ।
गुरुङ भाषामा ट्हो भनेको राज्य र टे भनेको धपाउने अर्थात राज्यबाट शत्रुलाई लखेटने भन्ने बुझिन्छ । यस पर्वलाई भुतप्रेत भगाउने,रोग ब्यादी हराउने र नयाँ अन्नवाली लगाउने सिजनका रुपमा मनाउने गरिन्छ ।
कार्यक्रमको उद्घाटन गर्दै गण्डकी प्रदेशमा पुर्व मन्त्री तथा प्रदेश सभासद् वेद वहादुर गुरुङ (श्याम)ले ट्हाटें पर्व तमुहरुको परम्परागत ऐतीहासिक पर्व भएको वताउँदै हाम्रो मौलीक सस्कृतीको रक्षा गर्ने दाईत्व पनि हामीहरुमा रहेको वताएका थिए ।
उनले पर्वले एकता र सद्भावको विकास गराउने भएकाले आफ्नो भाषा र संस्कृती जोगाउन समुदाय संगठीत हुनुपर्नेमा जोड दिदै धार्मीक विश्वास वढाउन भावी पुस्तालाई सस्कार र सस्कृतीका वारेमा जानकारी गराउनु नै यस खालका चाडवाडको महत्व रहने वताए ।
कार्यक्रममा पोखरा महानगरपालिका वडा नं–२९ का अध्यक्ष श्रीप्रसाद गुरुङले भाषा संस्कृतीनै तमु समुदायको पहिचान भएको वताउँदै यसको संरक्षण गर्नुपर्नेमा जोड दिंदै पर्व मनाउदा हामीमा एकता र सद्भाव सृजना हुने विश्वास दिलाएका थिए ।
सोही अवसरमा समाजकी महिला उपाध्यक्ष काशीमाया गुरुङले धार्मीक संस्कार,मौलीक परम्परा र पुर्खाले चलाएको संस्कृतीको संरक्षण गर्नुपर्नेमा जोड दिदै पर्वले तमु एकताको आवस्यकता झल्काउने वताएकी थिईन भने सस्थाका सल्लाहकार तथा पुर्व अध्यक्ष जंग वहादुर गुरुङले ट्होटें पर्वले सुख शान्ती र निरोगी बनाउनुका साथै धार्मिक भावना जागृत गराउने विश्वास दिलाएका थिए ।
ङ्योए तमु धिं लेखनाथका अध्यक्ष मेजर रामप्रसाद गुरुङले स्वागत मन्तव्य सहित सस्था सस्थापनको आवस्यकता र यसले समाजमा दिएको एकताको शंदेसका वारेमा चर्चा गरेका थिए भने क्षेत्रीय समाजको तर्फबाट पचभैया तमु समाजका अध्यक्ष सन्तोष गुरुङले टहोटे पर्व सवै जात जातीको चाड रहेको बताएका थिए ।
विविध सास्कृतीक कार्यक्रमका साथ सुरु भएको कार्यक्रमको संचालन ङ्योए तमु धिं लेखनाथका सचिव राजु गुरुङले गरेका थिए भने धन्यवाद ज्ञापन उपाध्यक्ष मेख बहादुर गुरुङले गरेका थिए ।
कार्यक्रम शुरु हुनु अगाडि भण्डारढीक खेल मैदानबाट ङ्योए तमु धिं को भवनसम्म तमुहरुको मौलीक संस्कृती र परम्परा झल्कीने भेष भुषा र ब्यानर सहितको ¥र्याली निकालीएको थियो ।
Discussion about this post