फागुन २५, स्लोभेनिया –
गैर-आवासीय नेपाली संघ (NRNA) स्लोभेनियाले वीरमान श्रेष्ठको अध्यक्षता नयाँ कार्यसमिति गठन गरेको छ। समितिको उपाध्यक्षमा गुणाखर गैरे, महासचिवमा इकेश महर्जन, सचिवमा कृष्ण रानाभाट, कोषाध्यक्षमा गणेश थापा, सह-कोषाध्यक्षमा बद्री ढुंगाना चयन भएका छन् भने सदस्यहरूमा ध्रुव नारायण घिमिरे, बिगेन बस्नेत (कमल बस्नेत) र गीता बस्नेत रहेका छन्।
स्लोभेनियामा बसोबास गर्ने नेपालीहरूको हित र कल्याणको लागि NRNA स्लोभेनिया स्थापित संस्था रहेको छ भने यसको मुख्य उद्देश्य गैर-आवासीय नेपालीहरूलाई एकताबद्ध गरी उनीहरूको सीप, स्रोत र सञ्जाललाई नेपालको सामाजिक-आर्थिक विकासमा योगदान पुर्याउनु र स्लोभेनियामा रहेका नेपालीहरूको अधिकार र कल्याणको संरक्षण गर्नु हो।
NRNA स्लोभेनियाले आफ्नो मुख्य उद्देश्यहरूमा नेपाली डायस्पोरालाई एकताबद्ध गर्नु: विदेशमा रहेका नेपालीहरूबीच एकता र सहयोगको भावना विकास गर्दै विश्वव्यापी सञ्जाल निर्माण गर्नु रहेको छ। त्यस्तै नेपालको विकास प्रवर्द्धन गर्नु: गैर-आवासीय नेपालीहरूलाई लगानी, रेमिट्यान्स, ज्ञान आदानप्रदान र परोपकारमार्फत नेपालको आर्थिक, सामाजिक र सांस्कृतिक विकासमा योगदान दिन प्रोत्साहित गर्नु हो ।
गैर-आवासीय नेपालीहरूको अधिकार संरक्षण गर्दै विदेशमा रहेका नेपालीहरूको आप्रवासन, श्रम अधिकार र भेदभाव सम्बन्धी मुद्दाहरूमा वकालत गर्दै उनीहरूको अधिकार, कल्याण र हितको संरक्षण गर्नु रहेको छ। त्यस्तै सांस्कृतिक संरक्षण गर्दै नेपाली डायस्पोरामा नेपाली संस्कृति, भाषा र परम्पराहरूको संरक्षण र प्रवर्द्धन गर्नु हो। संकट व्यवस्थापनमा सहयोग गर्दै नेपाल र विदेशमा प्राकृतिक प्रकोप, महामारी वा राजनीतिक अस्थिरता जस्ता संकटको समयमा नेपालीहरूलाई सहयोग प्रदान गर्ने रहेको छ ।
NRNA स्लोभेनियाले स्लोभेनियामा रहेका नेपालीहरूको हितमा कार्य गर्दै आगामी दिनहरूमा पनि निरन्तरता दिने प्रतिबद्धता व्यक्त गरेको नवनिर्वाचित अध्यक्ष वीरमान श्रेष्ठले जानकारी दिनुभयो।
Discussion about this post