लेखनाथ, ३ फागुन । पोखरा महानगरपालिका वडा नं २७ को शिक्षा समितिले पोखरा र आसपासका विद्यालयहरुलाई समेटेर शनिवार बृहत शैक्षिक प्रदर्शनी प्रतियोगिता सम्पन्न गरेको छ ।
विद्यालयहरुका बीच शैक्षिक सहकार्य वढाउने र विद्यार्थीहरुको प्रतिभा प्रदर्शनको अवसर सृजना गरी शैक्षिक गतिविधी वढाउन सहज हुने गरि दुई दिने शौक्षीक कार्यक्रम अन्तरगत शुक्रवार मावि स्तरीय हाजिरी जवाफ प्रतियोगिता सम्पन्न भएको थियो भने शनिवार विभिन्न पाँच विधालाई आधार मानी शैक्षिक प्रदर्शनी प्रतियोगिता गरिएको हो
प्रतियोगितामा सहभागी बिद्यालय मध्यबाट समग्रमा डायमण्ड माविले उत्कृष्ठ स्थान हासिल गरेको थियो भने दितियमा न्यूलाईट मावि र तृतियमा जनप्रकाश मावि रहेको थियो । शैक्षिक प्रदर्शनी तर्फ प्रथम हुनेले १५ हजार, द्धितियले १० हजार,तृतीयले सात हजार नगद पुरस्कार हात पारेका छन् ।
यसैगरि विज्ञान तर्फको प्रदर्शनीमा डायमण्ड मावि प्रथम,लिटल फलवर वोडिङ स्कुल द्धितिय र जनप्रकाश माविले तृतिय स्थान हासिल गरेको छ भने सामाजिक तर्फको प्रर्दशनीमा न्यू लाईट मावि प्रथम,डायमण्ड मावि द्धितिय र गणित तर्फको प्रदर्शनीमा जनप्रकाश मावि प्रथम,डायमण्ड मावि द्धितिय र न्यु लाईट माविले तृतिय स्थान हासिल गरेको थियो ।
यस पुर्व कार्यक्रमको उद्घाटन गर्दैे डायमण्ड मावि विद्यालय ब्यवस्थापन समितिका सदस्य ईन्द्र वहादुर थापाले विद्यार्थीहरुले प्रदर्शनीबाट विज्ञान,प्रविधी,वातावरण,कृषि,सामाजिक,भाषा र सस्कृतीका वारेमा जानकारी पाउन सक्ने विश्वास दिलाएका थिए ।
लक्ष्मी आदर्श मावि विद्यालय ब्यवस्थापन समितिका अध्यक्ष राजेन्द्रमणि लामिछानेको अध्यक्षतामा भएको कार्यक्रममा शिक्षा समिति वडा नं २७ का सदस्य तथा कार्यक्रम संयोजक यम वहादुर रोक्का, सह संयोजक तथा लक्ष्मी आदर्श माविका प्रधानाध्यापक शिवमणि भण्डारी,डायमण्ड माविका ब्यवस्थापक हरि प्रसाद लामिछाने र डायमण्ड माविका शिक्षीक नारायण वाग्ले लगाएतले कार्यक्रमको उदेस्य र उपयोगिताका बारेमा जानकारी गराएका थिए ।
Discussion about this post