लेखनाथ, २५ माघ । पोखरा महानगरपालिका वडा २७ को भवन निर्माण भएको छ । साविक लेखनाथ नगरपालिका कार्यालय परिसरको जग्गामा नवनिर्मित वडा भवनको पोखरा महानगरपालिकाका प्रमुख धनराज आचार्यले उद्घाटन गरे ।
उनले प्रशासनिक भवन निर्माण जस्तै वडाबाट प्रवाह गरिने सेवासुविधा पनि चुस्तदुरुस्त बनाउनुपर्ने सुझाव दिए । उनले निर्माण जारी रहेका वडा भवनलाई पनि शीघ्र पूर्णता दिने प्रतिबद्धता व्यक्त गरेका थिए । जनताहरुलाई परिवर्तन भएको महसुशका लागि पनि कार्यालयद्धारा दुःख नभई सुख दिन आवश्यक भएको उनले वताए ।
शुक्रबार उद्घाटन गरिएको वडा कार्यालय भवन २४१.५८ वर्गमिटर क्षेत्रफलमा ४ करोड ४७ लाख ४२ हजार लागतमा निर्माण सम्पन्न भएको हो ।
कार्यक्रममा पोखरा महानगरपालिका वडा नं. २७ का वडाध्यक्ष पुर्ण कुमार गुरुङले वडाको आफ्नै नवनिर्मित भवन उद्घाटन गर्न पाउँदा आफुलाई अत्यन्तै खुशी लागेको वताउँदै कार्यालयबाट हुने सेवा प्रवाह पनि चुस्त दुरुस्त हुने प्रतिवद्धता व्यक्त गरे ।
वडाध्यक्ष गुरुङले वडाको विकासको लागी सिंगो जनप्रतिनिधिको टिम अहोरात्र खट्ने गरेको वताउँदै जनताले चाहेजस्तो कर्मचारी नहुँदा सोचेअनुरुप काम हुन नसकेको जिकिर गरेका थिए । उनले भ्रष्टाचारविरुद्ध आफुले शुन्य सहनशिलताको निति लिएको वताउँदै वडाध्यक्षको रुपमा प्राप्त गर्ने पारिश्रमीकसमेत सामाजीक सेवामा लगाउने गरेको वताएका थिए ।
उक्त अवसरमा उनले वडाभित्रका सञ्चालन भएका विभिन्न योजनाहरु र शिक्षा, स्वास्थ्य, भौतिक पुर्वाधार, लक्षित वर्गका विभिन्न कार्यक्रमहरुको विषयमा जानकारी गराएका थिए ।
कार्यक्रममा नेपाली कांग्रेस पोखरा महानगरपालिका दलका नेता एवं वडा नं. २ का अध्यक्ष दिवशमान प्रधानाङ्गले जनप्रतिनिधिहरु शासक नभई जनताको का मगर्न आएका सेवक भएको वताउँदै सोहीअनुरुपको व्यवहार आचरण प्रस्तुत गर्नुपर्ने वताएका थिए ।
यस्तै नेपाली काँग्रेस वडा नं.२७ का सभापती नारायणमणि लामिछानेले वडाभित्रका विकास निमार्ण र योजनाहरुको विषयमा सबै राजनितिक दलहरुसँग सहकार्य र छलफल गर्न सुझाव दिएका थिए ।
नेकपा माओवादी केन्द्रका वडा कमिटि अध्यक्ष गोविन्द वाग्लेले राजनितिक दलहरुसँग सहकार्य गरेको नपाईएकोमा दुखः लागेको वताए । उनले भुमिहिन र अव्यव्सथीत बसोबासी, हाईटेन्सन तार व्यवस्थापन, ताल संरक्षणको विषयमा सुझाव राखेका थिए ।
नेकपा एकिकृत समाजवादीका कृष्णबहादुर रानाभाटले पर्यावरण संरक्षण र वातावारणको क्षेत्रमा योजनाहरु ल्याउन महानगरलाई सुझाव दिंदै त्यसतर्फ समयमै नसोच्ने हो भने भोली भयावह अवस्था आउन सक्ने वताए ।
उक्त अवसरमा वडा शिक्षा समितिका सदस्य चतुराखर अधिकारी, युवाहरुको तर्फबाट सुरज जंग राणा, क्लवहरुको तर्फबाट लेखनाथ क्लवका अध्यक्ष बालगोपाल श्रेष्ठ, टोल विकास संस्थाहरुको तर्फबाट नौविसे टोल विकास संस्थाकी अध्यक्ष शिव गिरी लगायतले आफ्नो धारणा राखेका थिए ।
Discussion about this post