पुस २० लेखनाथ । राष्ट्रिय युवा संघ नेपाल पोखरा २७ को आयोजना तथा रक्त संचार केन्द्र पोखराको प्राविधिक सहयोगमा शनिवार पोखरा २७ तालचोकमा २७ यूनिट रक्त संकलन गरी दोस्रो रक्तदान कार्यक्रम सम्पन्न भएको छ ।
नेकपा एमाले कास्की जिल्ला कमिटीका सचिव दर्शन लामाले प्रथम रक्तदाता सुबिन तिमिल्सिना लाई ब्लड व्याग हस्तान्तरण गरी शुभारम्भ गरेका थिए । कार्यक्रममा राष्ट्रिय युवा संघ नेपाल स्थायी कमिटी सदस्य तथा गण्डकी प्रदेश इन्चार्ज विकास अधिकारी, नेकपा एमाले पोखरा महानगर कमिटी उपाध्यक्ष नरेन्द्रनाथ ढुंगाना, पोखरा महानगरपालिका वडा न. २९ का वडा अध्यक्ष श्री प्रसाद गुरुङ लगायतको उपस्थिति रहेको थियो।
रगत अभावकै कारणले हुन सक्ने मानवीय क्षतिलाई न्यूनिकरण गर्ने उदेश्यले राष्ट्रिय युवा संघ नेपाल पोखरा २७ ले बार्षिक रुपमा रक्तदान कार्यक्रमको आयोजना गर्दै आइरहेको छ। यस कार्यलाई सदैव निरन्तरता दिने जानकारी गराउदै सभाध्यक्ष किरण लामाले सहयोगी संस्था, शुभचिन्तक एवं रक्तदान गर्ने सम्पूर्ण दाताहरुलाई धन्यबाद ज्ञापन गरे ।
Discussion about this post