पोखरा, ९ पुस ।
नेपालकै अग्रणी इन्टनेट सेवा प्रदायक कम्पनी, वर्ल्डलिंकले पोखरामा ‘कार्निभल’को आयोजना गर्ने भएको छ । सो कार्निभलमा विभिन्न प्रकारका फुड स्टलहरु, बालबालबालिकाको लागि खेलहरु साथै विभिन्न प्रकारमा रमाइला खेलहरु रहने वर्ल्डलिंकले जनाएको छ ।
पोखराको, पामे, चङ्खपुरमा यहि १३ गते २८ डिसेम्बर अर्थात शनिबार हुने भएको छ । अङ्ग्रेजी नयाँ वर्षको पूर्वसन्ध्यामा आयोजित कार्यक्रम सो दिन बिहान ९ बजेबाट कार्निभल सुरु भइ बेलुकी ५ बजेसम्म संचालन हुने भएको छ ।
कार्निभलको मुख्य आकर्षणको रुपमा, ‘द इलिमेन्टस्’ ब्यान्डको प्रस्तुती रहने तथा त्यसका साथै विभिन्न स्थानिय कलाकारहरुको प्रस्तुती समेत रहने छ । भने, चर्चित डिजे ‘डिजे एमी’को प्रस्तुतिसमेत रहने आयोजकले जनाएको छ ।
कार्यक्रममा विभिन्न प्रकारका मनोरञ्जनात्मक खेलहरु, ‘पबजी प्रतियोगिताका साथै यसै कार्यक्रममा, ‘बिट द स्पीड’ को प्रतियोगिता समेत हुने वर्ल्डलिंकले जनाएको छ । सो प्रतियोगितामा, १४५ कि.मी. प्रति घण्टा भन्दा माथिको बलिङ्ग गर्न सफल मध्ये एक प्रतियोगीलाई ‘आईफोन १६’ उपहार प्रदान गरिने वर्ल्डलिंकले जनाएको छ ।
शनिबार हुने कार्निभलमा सहभागी हुन चाहनेहरुका लागि वर्ल्डलिंकले पोखराबाट पामे सम्मका लागि निशुल्क बस सेवासमेत प्रदान गर्ने भएको छ । साथै विगतका कार्निभलहरुमा जस्तै यस कार्निभलमा पनि सहभागिता जनाउन वर्ल्डलिंकले आग्रह गरेको छ।
Discussion about this post