लेखनाथ, २१ साउन । पोखरा महानगरपालिका वडा नं ३३ शिववस्तीस्थित शुक्लेश्वर धाम प्राङ्गणमा साउन १४ गतेदेखि संचालित श्रीमद्भागवत महापुराण, सप्ताह ज्ञान महायज्ञ, शिव महापुराण, बृहत धार्मिक श्रावण मेला एवम् बोलबम महोत्सवमा दिन प्रतिदिन भत्तजनको उपस्थित बढ्दो क्रममा रहेको छ ।
साउन २४ गतेसम्म चल्ने वोलबम महोत्सको आठौं दिन सोमवार परेकाले अन्य दिनको तुलनामा करिव एक हजार पाँच सय भन्दा वढि भत्तजनको उपस्थित रहेको महोत्सवका प्रचार प्रसार संयोजक दिनेस आचार्यले जानकारी दिएका छन्
साउनको महिना शिवको पुजा आरधान गर्ने महिना र आठौं दिन सोमवार भएकाले गत शनिवार कै हाराहारीमा भत्तजनको उपस्थितीले आयोजकलाई ब्यवस्थापन गर्ने हम्मे हम्मे परेको आचार्यको दावी रहेको छ ।
बृहत धार्मिक श्रावण मेला एवम् बोलबम महोत्सवमा कथा शिरोमणि पण्डित दीपकप्रसाद पौडेलको जनचेतनामूलक नाटक सहित संगीतमय कथा प्रवचनबाट धार्मीक ज्ञान सुन्न र हेर्न भत्तजनहरु आउने गरेको महोत्सवका प्रमुख सल्लाहकार केशर प्रसाद निर्दोशीको भनाई रहेको छ ।
श्रीमद्भागवत महापुराण एवंम सप्ताह ज्ञान महायज्ञको आठौ दिन सम्म आउदा करिव २५ लाख हाराहारीमा दान रकम संकलन भएको छ भने सोमवार मात्र करिव सात लाख ५३ हजार ७६ रुपियाँ संकलन भएको शुक्लेश्वरधाम क्षेत्र विकास संस्था, शिववस्तीका अध्यक्ष पदमराज पौडेलले जानकारी दिएका छन् ।
बोलबम महोत्सवबाट संकलित रकमबाट मन्दिरको सर्वाङ्गिण, भौतिक पूर्वाधार विकास निर्माणका क्षेत्रमा खर्च गरिने छ भने सेती नदिको किनारमा रहेको शुक्लेश्वरधामलाई धार्मीक तिर्थस्थलका रुपमा विकास गराउदै धार्मीक पर्यटन भित्राउने लक्ष्य लिईएको छ ।
महायज्ञका क्रममा श्रीमद्भागवत सतचण्डी, बेदपाठ, रुद्राभिषेक, सहस्र जलधारा, बेलपत्र अर्पण, ग्रहशान्ति पूजा, चौरासी पूजा, अन्नदान, भूमिदान, ब्राह्मण भोजन सहित पितृको फोटो राखी पितृ तर्पण तुलादान, विवाह, ब्रतबन्ध, गुन्युुचोली सहित आरती अर्पण गर्दै धार्मिक सम्बन्धी सम्पूर्ण कार्य गरिदै आईएको छ ।
स्थानीय समाजसेवीका अनुसार ऐतिहासिक महत्व र गरिमा बोकेको शुक्लेश्वर धामस्थित शिव मन्दिर २०१४ सालमा स्थापना भएको हो । मन्दिर बनेकै वर्ष बाढीका कारण भत्किएपछि हाल रहेको मन्दिर २०१५ सालमा स्थापना गरिएको हो ।
Discussion about this post