लेखनाथ, ३० वैशाख । दीपशिखा सामुदायिक पुस्तकालय भण्डार ढिकमा रीड नेपाल र पुस्तकालयद्वारा सञ्चालित ट्याग कार्यक्रम (टेक एज गर्लस्) को दोस्रो चरणको उपाधि समारोह सम्पन्न भएको छ ।
पुस्तकालयका अध्यक्ष कृष्णहरि भण्डारीको अध्यक्षतामा सम्पन्न कार्यक्रममा पोखरा महानगरपालिका शिक्षा महाशाखाका वरिष्ठ शिक्षा अधिकृत बद्रीनाथ सुवेदी, पुस्तकालयका उपाध्यक्ष, पोखरा महानगरपालिकाका कार्यपालिका सदस्य तथा वडा नं–२९ का वडा सदस्य निर्मला पौडेल, पुस्तकालयका व्यवस्थापन समितिका कोषाध्यक्ष माधव भण्डारी, सदस्य चन्द्र बहादुर गुरुङ लगायतले प्रमाणपत्र वितरण गरेका थिए।
कार्यक्रममा ट्याग कोर्डिनेटर कबिता गैरेले ट्याग अन्तर्गत भएका कार्यहरू तथा उपलब्धिका बारेमा प्रस्तुतिकरण दिंदै अब सञ्चालन हुने एस एफ एफ अन्तर्गतको ट्याग कार्यक्रम र यसको सञ्चालन पद्धतिका बारेमा पनि जानकारी दिइन् । ट्यागमा आइसकेपछिका आफ्ना अनुभव तथा प्रगतिहरुका बारेमा जानकारी दिने मौका पाएकोमा ट्याग किशोरीहरु अत्यन्तै प्रफुल्लित देखिन्थे । पुस्तकालयका सचिव पदमप्रसाद अधिकारीले कार्यक्रम सञ्चालन गरेका थिए।
Discussion about this post