लेखनाथ, २८ फागुन । नेपाल जेसिजका राष्ट्रिय अध्यक्षहरुलाई आईतवार एक कार्यक्रमका विच स्वागत तथा सम्मान गरिएको छ ।
सन १९७४ मा नेपाल जेसिज स्थापना भए देखिका पुर्व अध्यक्षहरुको शाखा भ्रमण गर्ने कार्यक्रम अन्तर्गत ३५ जना पुर्व अध्यक्षहरुलाई वेगनासताल किनारमा स्वागत तथा सम्मान गरिएको हो ।
नेपाल जेसिजका संस्थापक अध्यक्ष भेष बहादुर थापा सहित अहिलेसम्म ५६ जनाले नेपाल जेसिजमा अध्यक्ष बनेर नेतृत्व लिएर संगालेका अनुभवलाई एक आपसमा साटासाट र आगामी दिनमा नेपाल जेसिजले कस्ता खालका कार्यक्रमहरु ल्याउने पर्छ भन्ने वारेमा छलफल गरिएको थियो ।
कार्यक्रममा नेपाल जेसिजका वर्तमान राष्ट्रिय अध्यक्ष रविन पोखरेलले सकारात्मक सोचले मात्र समाज परिवर्तन गर्न सकिने भएकाले युवाहरुलाई कसरी राष्ट्र निर्माणको अभियानमा जोड्न सकिन्छ भन्ने वारेमा केन्द्रिय तहमा निती तथा कार्ययोजना बनाउन लागेको बताएका थिए ।
सोही अवसरमा वर्ष २०१८ का अध्यक्ष श्रीधर वस्यालले जेसिजमा लाग्ने युवाहरुले परिणाम देखिने गरि काम गर्नु पर्ने सुझाव दिदै जेसिजमा लाग्ने जो कोही पनि ब्यवसाय तर्फ उन्मुख हुदै स्वदेशमा नै केही गर्न सकिन्छ भन्ने सोच राख्नु पर्ने धारणा राखेका थिए ।
कार्यक्रममा नेपाल जेसिजका सन १९८० का अध्यक्ष तथा परराष्ट्रविद शम्भुराम श्रृखडाले मुल निती भनेकै राजनिती भएकाले देशमा ब्याप्त अस्थिर राजनितीका कारण युवाहरुमा देखिएको निरासालाई कसरी समाधन गर्न सकिन्छ भन्ने वारेमा जेसिजले नितीगत रुपमा नै सरकारलाई ध्यानाकर्षण गराउनु पर्ने सझाव राखेका थिए भने सन २००५ का अध्यक्ष ज्ञानेन्द्र प्रसाद दाहालले सिंगो समाजलाई जोडेर युवाहरुले नेतृत्व लिन सक्नु पर्ने विचार राखेका थिए ।
लेखनाथ जेसिजका अध्यक्ष प्रकाश राईभाटको अध्यक्षतामा भएको कार्यक्रममा लेखनाथ जेसिजका पुर्व अध्यक्ष लक्ष्मीप्रसाद त्रिपाठीले धन्यवाद ज्ञापन गरेका थिए भने पुर्व अध्यक्ष रोशन अधिकारीले कार्यक्रम संचालन र लेखनाथ जेसिजकी उपाध्यक्ष सिवानी केसीले कार्यक्रमको उदेश्यका वारेमा प्रकाश परेकी थिईन ।
Discussion about this post