फागुन १० मादी –
मादी गाउँपालिका १२ स्थित भगवतीटारमा दोश्रो संस्करणको आलु महोत्सब हुने भएको छ। मादी गाउँपालिका १२ को सहयोगमा स्थानिय हराभरा भगवती कृषक समूहले चैतको ३ गते दोश्रो संस्करणको आलु महोत्सबको आयोजना गरेको अध्यक्ष कुसुमलता सुवेदीले लेखनाथ खबरलाई जानकारी दिएकी हुन्।
यस क्षेत्रको कृषि र पर्यटन प्रवर्द्धन गर्न आयोजना गरिएको एक दिने महोत्सवले कृषिमा आश्रित कृषकहरु लाई बजारीकरण गर्ने सहयोग पुग्ने मादी १२ का वडाध्यक्ष कृष्ण दाहालले जानकारी दिए।
एक दिने महोत्सवमा आलुका बिभिन्न परिकार, खुल्ला भजन प्रतियोगिता, ख्याति प्राप्त कलाकार हरुको प्रस्तुति तथा बिबिध सांस्कृतिक कार्यक्रम गरिने प्रचार प्रसार उपसमितिका संयोजक मिलन केसीले बताएका छन् ।
Discussion about this post