माघ २२ पोखरा
पोखरामा चलचित्र दयारानीको प्रिमियर सो सम्पन्न भएको छ । आइतबार पोखराको मिडटाउन सिनेमाजमा दयारानीको प्रिमियर सो सम्पन्न भएको हो । चलचित्र दयारानी हेर्न पोखरा महानगरपालिकाका मेयर धनराज आचार्य, गण्डकी प्रदेशका पूर्वअर्थमन्त्री किरण गुरुङ, मादी गाउँपालिकाका अध्यक्ष देवीजंग गुरुङ, कवि रमेश श्रेष्ठ, कलाकार प्रकाश घिमिरे, गायक तथा संगीतकार राजनराज शिवाकोटी, गायक विनोद बानियाँ, दयारानीका निर्देशक एवम् लेखक माओत्से गुरुङ, नायिका दिया पुन लगायत पुगेका थिए ।
समाजको पुरुषवादी चिन्तनलाई तथा निःसन्तान हुँदा घरपरिवार र समाजले हेर्ने दृष्टिकोणलाई सिनेमा उतार्न खोजिएको छ।
दयारानीमा दयाहाङ राई, दिया पुन, विजय बराल, प्रमिशा गुरुङ, श्रीषा कुँवर, नयन गुरुङ, पुस्कर गुरुङ, टिकाराम घले, सुर्य सुनार, राजेन्द्र थापा, सीतादेवी गुरुङ, कृष्टि गुरुङ लगायतले अभिनय गरेका छन् भने चलचित्र माघ २६ गतेबाट अल नेपाल रिलिज हुदैछ।
Discussion about this post