रानाभाट जातिको कुल मन्दिर पुनर्निर्माण अन्तिम चरणमा

माघ १९, स्याङ्जा

रानाभाट जातिको देवश्री गोत्र कुल मन्दिरको पुनर्निर्माणको काम अन्तिम चरणमा पुगेको छ । स्याङ्जा जिल्लाको फेदीखोला गाउँपालिका वडा नम्बर ३ भाटखोला चिप्लेटीमा कुल मन्दिरको पुनर्निर्माण भइरहेको छ । हरेक ५/५ वर्षमा नियमित हुदै आएको कुल पूजा यस ७ वर्षमा हुँदै छ । २ वर्ष पहिला हुनुपर्ने पूजा कोरोनाको कारण हुन सकेको थिएन ।

तर कोरोनाको कारण पूजा हुन नसके पनि देवश्री गोत्रीय दाजुभाइले मन्दिरको पुनर्निर्माणको कार्य तिव्ररुपमा भइरहेको सचिव परशुराम रानाभाटले वताए । मन्दिर वरपर रेलिङ, २ तले भवन, नजिकै सुन्दर पोखरी, वरपीपलको चौतारी भएको रमणीय स्थानमा मन्दिर छ ।

कुल पुजा फागुन २४ गते हुने भएको छ भने शिलालेखमा नाम लेखाउने अन्तिम सुचना प्रकाशित गरि समिति अगाडि बढिरहेको अध्यक्ष डिलबहादुर रानाभाटले बताए । मन्दिरमा रुपन्देहीको अमुवा, चितवनको माडी, नवलपुरको प्रगतिनगर, कास्कीको कृस्ती लगायत स्थानबाट सयौको संख्यामा पुजाको दिन आउने कार्यक्रम रहेकाले सबै व्यवस्थापनको काम भइरहेको समितिका सदस्य ताराबहादुर रानाभाटले बताए ।