पोखरा, १३ माघ – पोखरा रंगशालाको फुटबल मैदानमा शनिबार भएको पहिलो क्वाटरफाइनलमा पाहुना टोली भुटानको पारो क्लबलाई २–० गोलले हराउदै पाँच पटकका आहा रारा पोखरा गोल्डकपको विजेता थ्रीस्टार सेमिफाइलनमा प्रबेश गरेको छ ।
निधारीत ९० मिनेटको समयमा गोल रहित बराबरी भएपछि अतिरिक्त समयको अन्तिम ६ मिनेटमा आशिष चापागाईँले दुई गोल गर्दै थ्री स्टारको सेमिफाइनलको यात्रा पक्का बनाए ।
खेलको ११४ औं मिनेटमा आशिष चापागाईँले गोल गर्दै थ्री स्टारलाई अग्रता दिलाएका छन् । उनले पेनाल्टी बक्सबाट उत्कृष्ट प्रहार गर्दै गोल गरेका हुन् । पारोका किपर जाङ्गपोले बल रोक्ने कुनै अवसर नै पाएनन् ।
११९ औं मिनेटमा आशिष चापागाईँले नै गोल गर्दै थ्री स्टारको अग्रता दोब्बर पारे । उनी खेलको म्यान अफ्दी म्याच हुन सफल भए ।
थ्री स्टारले अब मनाङ मर्स्याङ्दी र जावलाखेलबीच हुने तेस्रो क्वाटरफाइनलको विजेतासँग खेल्नेछ । प्रतियोगितामा आइतबार साविक विजेता संकटा फुटबल क्लब र विभागीय टोली त्रिभुवन आर्मी क्लब बीच हुनेछ ।
१२ टिमको सहभागिता रहेको प्रतियोगिता माघ २० गतेसम्म चल्ने छ । प्रतियोगिताको विजेताले १२ लाख रुपैयाँ र उपविजेताले ६ लाख रुपैयाँ प्राप्त गर्नेछ ।
Discussion about this post