पोखरा । क्यानडा पठाइदिने नाममा युवा युवतीलाई ठगी गर्ने २ विदेशीसहित ६ वना पोखरामा पक्राउ परेका छन् ।
प्रहरीले बुद्धचोकको टास्क होटलबाट पोखरा १३ पाटनवेसीकी ६५ वर्षे पार्वती सुनार, महेन्द्रपुलकी ३७ वर्षे की रिता सुनार, स्याङ्दा फेदीखोलाकी ३२ वर्षे सिमा सुनार र काठमाडौं कलंकीका ३८ वर्षे प्रदिप उपाध्यायलाई पक्राय गरेको हो । यसैगरी क्यानडाको अलवर्ट राज्य क्यालगोरी सिटीका ४५ वर्षे राकेश जैसवाल र भारतको भोपालका ३२ वर्षे इस्मित कौर समेत पक्राउ परेका छन् ।
उनीहरुले टास्क होटेलमा बसेर सुरुमा प्रतिव्यक्ति २ हजार रुपैयाँ उठाउँदै अन्तवार्ता लिइरहेका थिए । पार्वती सुनारले मेरो छोरी क्यानडामा छ सिधै क्यानडाको भिसा निकालिदिन्छ राम्रो काममा लगाइदिन्छु विदेशबाट अन्तर्वार्ता लिन मानिस आएका छन भनी प्रलोभन देखाएको प्रहरीले जनाएको छ । क्यानडा जानका लागि प्रतिव्यक्ति ३० लाख रुपैयाँ लाग्ने अन्तर्वार्तामा पास भएपछि त्यो रकम बुझाउने सर्त थियो । उनीहरु सबैलाई जिल्ला अदालतबाट ठगी सम्बन्धी मुद्दमा ५ दिनका लागि म्याद थपेर अनुसन्धान अगाडि बढाइएको प्रहरीले जनाएको छ ।
Discussion about this post