सचिन रानाभाट
लेखनाथ ।
पोखराको लेकसाईड पछिको अर्को गन्तब्य हो बेगनासताल। वि.सं. २०४४ सालमा बेगनासतालमा ड्याम राखे पछि माछा मार्ने, पौडी खेल्ने र तालको पानीको उपयोग बिस्तारै बढ्दै जादा नजिकैका ठाउँहरु बाट बेगनासताल आउनेक्रम बढ्न थाल्यो। मान्छेको आवागमन संगै खाना तथा खाजा खाने रेण्टुरेण्ट तथा सामान्य लाज हरु समेत संचालन हुन लागे। बिकास क्रम संगै बिभिन्न स्तरिय होटल तथा रेस्टुरेण्ट खुल्ने क्रम बढ्यो बेगनासतालमा। तैपनि मध्यम देखि प्रिमियम स्तरका होटल तथा रेस्टुरेण्ट खोज्न भने पोखराको लेकसाईड नै पुग्नु पर्ने थियो।
कास्कीको रुपा स्थित चिसापानीमा बुवा स्व. धन बहादुर गुरुङ तथा आमा रेवती गुरुङको कोखबाट जन्मेका रामप्रसाद गुरुङ ‘किसान’ कामको सिलशिलामा हङकङ, ताइवान र कोरियामा करिव ३ दशक बिताए। सामान्य कामदार देखि ठुला रेष्टुरेन्टको कामको अनुभव बटुलेर श्रीमती पानकुमारी गुरुङका साथ केहि वर्ष पहिले उनि नेपाल फर्किए।
विदेशमा सिकेको सिप र अनुभवलाई प्रयोग गर्दै बेगनास क्षेत्रमा मध्यम तथा प्रिमियम स्तरिय होटल खोल्ने योजना गुरुङले बुने। स्वदेशी तथा बिदेशी पाहुनाहरु लाई मध्ये नजर गर्दै पोखरा ३१ बेगनासताल नहरचोकमा करिव १३ करोडको लगानीमा ‘होटल मकाउ बेगनास लेक’ संचालन गरेका हुन्।
कोरोना महामारीको समय देखि सुरु भएको होटल अहिले भने पुर्ण रुपमा संचालनमा आएको छ। होटलमा डिलक्स, सुपरडिलक्स र ज्याकुजी सहित एक्ज्युकेटिभ स्विट गरी २६ वटा रुम तथा प्रत्येक रुममा प्राईभेट बाल्कोनी समेत छन् । ग्राउण्डफ्लोर रेष्टुरेन्ट एण्ड बार तथा रुफटपमा ओपन स्काई रेष्टुरेन्ट एण्ड बारको सुविधा छ । खानाका पारखी हरुलाई विशेष प्राथमिकता दिदै नेपाली, इण्डियन, चाइनिज र कन्टिनेन्टल खाना तथा बेगनास तालको माछा तथा ग्रिल फिशको स्वाद समेत पर्यटकले लिन पाउने गुरुङ बताउछन।
होटलमा ३ हजार रुपैयाँ देखि ७ हजार रुपैयाँ सम्मका फरक फरक क्याटागोरीका रुमहरु उपलब्ध छन् । लेखनाथ क्षेत्रमै पहिलो पटक होटलमा लिफ्ट सुबिधा समेत भएको होटल मकाउमा पार्किङ स्पेस, मिटिंग हल, स्काई रेष्टुरेन्ट लगायतको सुविधा छ । करिब तीन रोपनी क्षेत्रफलमा संचालनमा आएको होटलमा हाल १२ जनाले प्रत्यक्ष रोजगारी पाएका छन् भने होटलबाट अन्नपुर्ण हिमालय रेन्ज, बेगनास ताल, कोट्बारि बेगनास लगायत दृश्यावलोकन गर्न सकिन्छ ।
Discussion about this post