२०८० मंसिर १२ गते
कास्कीको पूर्वी क्षेत्रको अग्रणी क्लव आदर्श युवा क्लवको आफ्नो २६ औं बार्षिकोत्सव तथा २४ औं रक्तदान कार्यक्रम मंगलवार सम्पन्न गरेको छ।
क्लवले आयोजना गरेको रक्तदान बाट ७४ युनिट रगत संकलन भएको छ।
क्लवका अध्यक्ष पदम गुरुङको सभापतित्वमा सम्पन्न कार्यक्रमको प्रमुख अतिथि क्लवका संरक्षक एवं पोखरा -२९ का वडा अध्यक्ष श्रीप्रसाद गुरुङले २६ औं बार्षिकोत्सव अवसरमा शुभकामना दिदै मानविय सेवा बाट अभिप्रेरित भई स्थापना काल देखि आयोजित रक्तदान कार्यक्रम आगामी दिनहरुमा पनि निरन्तर गर्नु पर्ने बताउनु भयो।
कार्यक्रममा क्लवका संस्थापक अध्यक्ष चेत बहादुर गुरुङ, लेखनाथ उद्योग वाणिज्य संघका उपाध्यक्ष राजेन्द्र ओझा, दिपशिखा पुस्तकालयका अध्यक्ष कृष्णहरि भण्डारी, न्योङ्ग तमु धिं लेखनाथका अध्यक्ष मेजर राम प्रसाद गुरुङ, भण्डारढिक टोल विकास संस्थाका अध्यक्ष अरूण गुरुङ, जनप्रकाश टोल विकास संस्थाका अध्यक्ष सु. चन्द्र बहादुर गुरुङ, सिद्धार्थ बुद्ध टोल विकास संस्थाका अध्यक्ष सु. चन्द्र बहादुर गुरुङ लगायतले बोलेका थिए।
कार्यक्रममा संयोजक लक्ष्मण सुनारले स्वागत मन्तव्य तथा सदस्य सन्तोष गुरुङले कार्यक्रम संचालन गरेका थिए।
Discussion about this post