लेकसिटि युथ क्लव पोखरा २७ तालचोकले आफ्ना दिवङ्गत सदस्यहरुको स्मृतिमा फ़ुटसलको आयोजना गर्ने भएको छ।
क्लब लाई स्थापनाकाल देखि नै योगदान दिई अल्पायुमै दिवंगत भएका सदस्यहरुको आत्माहरुको चिर शान्तिको कामना सहित दशैँको पुर्व सन्ध्यामा ‘प्रथम फाईभ-ए साईड फ़ुट्सलको आयोजना गर्न लागेको क्लवका अध्यक्ष राजन अधिकारीले जानकारी दिएका छन् ।
कार्तिक १ देखि ३ गते सम्म तालचोकमा रहेको काइट्स फ़ुट्सलमा हुने प्रतियोगिताको विजेताले रु ५५ हजार ५ सय ५५ तथा उपविजेताले २७ हजार ७ सय ७७ रुपैया सहित सिल्ड मेडल र प्रमाणपत्र पाउने क्लवले बताएको छ।
क्लवका दिवंगत सदस्यहरु दल बहादुर भण्डारी, बिनोद न्यौपाने, रमेश घले गणेश गुरुङ, जेनेन घले, सुमन रानाभाट, मनोज गुरुङ, सुदिप अधिकारी तथा प्रज्वल गुरुङ को स्मृतिमा पहिलो पटक प्रतियोगिता संचालन गर्न लागेको प्रति भावात्मक सहित खुसि भएको क्लवका संस्थापक अध्यक्ष सुरज जंग राणाले बताएका छन्।
सो प्रतियोगितामा करिव २५ टिम सहभागी हुने कार्यक्रम संयोजक सागर रानाले लेखनाथ खवर लाई जानकारी दिएका छन्।
Discussion about this post