पोखरा । गायक दीपक बज्राचार्य र उनको ब्यान्ड रिदमले अल्फान्जो रिसोर्टमा सांगीतिक कार्यक्रम गर्ने भएको छन् । पोखरा १८ खपौंदीमा रहेको रिसोर्टमा माघ २१ गते साँझ लाइभ कन्सर्टमा उनी सहभागी हुँदै छन् ।
खपौंदी क्षेत्रलाई चिनाउन भूमिका खेलेको रिसोर्टले त्यस ठाउँलाई मेला र इभेन्टका रुपमा चिनाउन सांगीतिक कार्यक्रम आयोजना गरेको रिसोर्टका सञ्चालक सुवास भट्टराईले जानकारी दिए । शनिबार साझँ ८ बजेदेखि मध्यरातसम्म चल्ने लाइभ कन्सर्टमा बज्राचार्यले सांगीतिक माहोल तताउनेछन् । कार्यक्रमको टिकट अनलाइनबाट अग्रिम बुकिङ गर्न सकिने भट्टराईले जानकारी दिए ।
प्रतीक इभेन्टले व्यवस्थापन गरेको कार्यक्रममा नेपाली नयाँ वर्षसम्म नै विभिन्न कलाकारको साथमा लगातार लाइभ कन्सर्ट गर्दै जाने प्रतीक इभेन्ट अध्यक्ष प्रतीक सुनारले जानकारी दिए । शनिबारदेखि सुरु हुने सांगीतिक कार्यक्रमको गण्डकी प्रदेशका मुख्यमन्त्री खगराज अधिकारीले उद्घाटन गर्ने कार्यक्रम रहेको छ । सो कार्यक्रमलाई १ हजार ५ सय दर्शकले हेर्ने व्यवस्था मिलाइएको सुनारले जानकारी दिए ।
Discussion about this post