लेखनाथ, १८ पुस
पोखरा महानगरपालिका ३० पाबरहाउसमा रहेको जनता बहुउद्धेश्यीय सहकारी संस्था लिमिटेडले आफ्नो एघारौ बार्षिकोत्सबको अबसरमा आयोजित खुला रक्तदान कार्यक्रममा ३३ युनिट रगत संकलन भएको छ । “रक्तदान जिबन दान जिबनदान महादान” भन्ने नाराका संस्थाले उक्त रक्तदान आयोजना गरेको हो ।
संस्थाका अध्यक्ष कुल बहादुर रानाभाटको अध्यक्षतामा सम्पन्न कार्यक्रममा रुपा गाँउपालिका कास्कीका उपाध्यक्ष लाल शुब्बा गुरुङ्गको प्रमुख आतिथ्यतामा रहेको थियो । नेपाल रेडक्रस सोसाईटिको प्राबिधीक सहयोगमा सम्पन्न उक्त कार्यक्रम प्रमुख अथिती गुरुङ्गले रक्तदाता रमेश श्रेष्ठलाइ ब्लड ब्याग हस्तान्तरण गरी समुद्धघाटन गर्नु भएको थियो ।
कार्यक्रममा स्वागत मन्तब्य संस्थाका उपाध्यक्ष बिश्वराज लामिछानेले ब्यक्त गर्नु भएको थियो भन े सहकारीका सात सिद्धान्त बाचन संस्थाका सदस्य तथा शिक्षा उप समिति संयोजक दयाराज भण्डारीले गर्नु भएको थियो । संस्थाका सचिब भरतराज ओझा द्वारा संचालित उक्त कार्यक्रममा संस्थाका निबर्तमान अध्यक्ष सोभा मोहन पौडेल, बरिष्ठ सल्लाहकार बिश्ब मोहन पौडेल, पाबरहाउस बजार ब्यबस्थापन समितिका अध्यक्ष पदमराज पौडेल लगायतले सुभकामना मन्तब्य ब्यक्त गर्नु भएको थियो ।
Discussion about this post