लेखनाथ, चैत २९
पोखरा ११ रानीपौवा निवासी राजु सुवेदीले आफ्नो ४४औं जन्मदिनको अवसरमा पोखरा–२९ पावर हाउस स्थित अपाङ्ग मैत्री समाज कास्कीमा आश्रीत दृष्टिविहिनहरुलाई कपडा वितरण गरि मनाएका छन ।
लायन्स क्लव अफ पोखरा लेखनाथका वर्ष २०२२/२३ का ईलेक्ट सर्भिस चेयर पर्सन समेत रहेका सुवेदीले जन्मदिनको अवसरमा हुने खर्च कटाएर त्यहाँ आश्रीत २४ जना दृष्टिविहिनहरुलाई कपडा वितरण गरेका हुन ।
कपडा वितरण गर्दै सुवेदीले विभिन्न बेला अवसरमा हुने फजुल खर्च कटाएर दुुखी असाहयहरुलाई सहयोग गर्दा सानो सहयोगले नै जिवनमा ठुलो खुशी मिल्ने वताए ।
सहयोग ग्रहण गर्दै अपाङ्ग मैत्री समाजका अध्यक्ष दण्डपाणी ढकालले लायन्स क्लवले गरेको सहयोगप्रति धन्यवाद व्यक्त गर्दै बेला मौकामा विभिन्न संस्थाहरुले गर्ने सानो सहयोगले पनि आफुहरुको लागी ठुलो महत्व राख्ने र यसबाट हरुले पनि प्रेरणा लिन सक्नुपर्ने बताएका थिए ।
लायन्स क्लव अफ पोखरा लेखनाथका अध्यक्ष घनश्याम ढुंगानाको अध्यक्षतामा सम्पन्न कार्यक्रममा क्लवका प्रथम उपाध्यक्ष एवं वर्ष २०२२/२३ का निर्वाचित अध्यक्ष आनन्द बजगाईले स्वागत गरेका थिए भने कार्यक्रमको सञ्चालन वर्ष २०२२/२३ का निर्वाचित सह–सचिव चन्द्रकान्त अधिकारीले गरेका थिए ।
Discussion about this post