कार्तीक ५, लेखनाथ ।
सिलिङ्गे कृषि उत्पादक सहकारी संस्था पोखरा–२६ को अध्यक्षमा ठाकुर प्रसाद रानाभाट निर्वाचित भएका छन । संस्थाको शुक्रबार सम्पन्न १३औं बार्षिक साधारण सभा तथा पाँचौ अधिवेशनले ठाकुरलाई आगामी चार बर्षका लागी सर्वसम्मत रुपमा अध्यक्षमा चयन गरेको हो ।
अधिवेशनले उपाध्यक्षमा यदुनाथ बराल, सचिवमा ईश्वरी प्रसाद अधिकारी, कोषाध्यक्षमा सोमनाथ उपाध्याय अधिकारी, सदस्यहरुमा चिन बहादुर थापा, प्रमिला बराल, मिरा सिग्देल, किशोर मोहन भटराई, शिवहरी राना, कृष्णहरी ढुंगाना र पुरुषोत्तम ढुंगानालाई चयन गरेको छ । यसैगरि लेखा समितिको संयोजकमा सन्दिप ढुंगाना र सदस्यमा सञ्जिव गौतमलाई चयन गरिएको निर्वाचन समितिका सदस्य ज्ञानेन्द्रमोहन भट्टराईले जानकारी दिए ।
कार्यक्रमको उद्घाटन गर्दै गण्डकी प्रदेशका सामाजीक विकास मन्त्री मेखलाल श्रेष्ठले सहकारी बिना राज्य सञ्चालन हुन नसक्ने बताउँदै सहकारी र निजि क्षेत्रको आवश्यकता सरकारलाई सधै रहने वताएका थिए ।
मन्त्री श्रेष्ठले सहकारीले सञ्चालन गरेका उत्पादनमुखी कार्यक्रमको प्रशंसा गर्दै अन्य सहकारीले पनी आफ्ना सदस्यहरुलाई उत्पादनमुखी कार्यक्रमको माध्यमबाट आत्मनिर्भर बनाउनुपर्नेमा जोड दिएका थिए ।
यस्तै पोखरा महानगरपालिका वडा नं. २६ का अध्यक्ष नारायणप्रसाद बरालले आफ्नो वडा भित्र १६ बन्दा बढि सहकारी संस्थाहरु सञ्चालनमा रहेको बताउँदै उत्पादनमुखी कार्यक्रमहरुका लागी कर्जाको ब्याजदरमा सहुलियत दिई सदस्यहरुलाई उत्प्रेरीत गर्नुपर्ने वताएका थिए ।
कार्यक्रममा कास्की जिल्ला सहकारी संघका पुर्वअध्यक्ष रविरमण तिवारी, नागरीक परोपकार समन्वय संस्था पोखरा–३० का अध्यक्ष राजेन्द्र ओझा, संस्थाका सल्लाहकार कोपिला रानाभाट, पवित्रा वचत तथा ऋण सहकारी संस्थाका अध्यक्ष शिव बहादुर रानाभाट, कास्की वचत संघका उपाध्यक्ष श्रीकान्त ढुंगाना लगायतले बोलेका थिए ।
संस्थाका अध्यक्ष शैलेन्द्रमोहन भट्टराईको अध्यक्षतामा सम्पन्न भएको कार्यक्रममा कोषाध्यक्ष यदुनाथ बरालले स्वागत गरेका थिए भने कार्यक्रमको सञ्चालन सचिव सुर्य प्रसाद बञ्जारा र धन्यवाद ज्ञापन सञ्चालक समिति सदस्य ठाकुरप्रसाद रानाभाटले गरेका थिए ।
Discussion about this post