लेखनाथ ३१ असोज- पोखरा २६ बुढीबजारमा शनिबार सवारी दुर्घटना हुँदा एक जनाको ज्यान गएको छ भने एक जना घाइते भएका छन् ।
कास्कीको मादी गाउँपालिका वडा नं. ५ मिजुरेडाँडाका ४७ वर्षका सूर्यबहादुर क्षेत्रीको मृत्यु भएको प्रहरीले बताएको छ। घाइते हुनेमा सोही ठाउँका सन्दीप केसी रहेका छन् ।
उनको खुट्टा भाँचिएको र मणिपाल शिक्षण अस्पतालमा उपचार भइरहेको इलाका प्रहरी कार्यालय डाँडाकोनाकका प्रहरी नायव उपरीक्षक महेन्द्र मरासिनीले जानकारी दिए ।
शनिबार साँझ ६ः३० बजे ग १ च ६८७८ को पिकअप भ्यानले ग १२ प ४०३२ नं. को मोटरसाइकललाई ठक्कर दिंदा सो दुर्घटना भएको हो ।
दुर्घटना पश्चात् भ्यान चालक फरार छन् । उनको खोजी भइरहेको डिएसपी मरासिनीले जानकारी दिए । भ्यानका धनी भने सम्पर्कमा रहेको बताइन्छ ।
Discussion about this post