लेखनाथ २३ असोज – पोखरा ३१ मा रहेको मिलनसार तमु समाजले वडा दशैंको उपलक्ष्यमा वेगनासताल वरपर सरसफाई गरेको छ।
वेगनासताल बृहत सफाई अभियान बाट उत्प्रेरित भई नेपालीहरुको महान पर्वको अवसरमा वेगनास ताल बसपार्क देखि ताल सम्मको क्षेत्र वरपर रहेका फोहोर हरु संकलन र झाडी फालेर सफा गरेको समाजका अध्यक्ष जीवन गुरुङले लेखनाथ खवरलाई बताएका छन् ।
करिब ५० भन्दा बढी समाजका सदस्य तथा स्थानीयहरु मिलेर वेगनास घुम्न आउने पर्यटकलाई सफा र सभ्य गन्तव्य हो भनेर प्रवर्द्धन गर्न सफाई गरिएको उनले भने।
विभिन्न सामाजिक कार्यमा सकृय रहेको समाजले आगामीदिनमा समेत यस्ता खाले कार्यक्रम गरिरहने गुरुङले भने।
Discussion about this post