असोज १८ लेखनाथ
पोखरा ३२ स्कुलटोलमा रहेको गायत्री आमा समूहले आफ्नो चौथो वार्षिक साधारण सभा सम्पन्न गरेको छ । पोखरा ३२ का वडाध्यक्ष अक्कल वहादुर कार्की विशेष आतिथ्यतामा सम्पन्न कार्यक्रममा समुहकी अध्यक्ष हरी माया खत्रीले अध्यक्षता गरेकी थिईन् भने स्कूलटोल सुधार समितीका पूर्व अध्यक्ष राजु खत्री, गोविन्द कोइराला, गणेश केसी,घनश्याम खनाल, इन्द्र वहादुर खत्री अथितीको रुपमा रहेका थिए ।
सो कार्यक्रममा विद्या कुमारी आचार्य, कमला अधिकारी, गंगा खत्री, पवित्रा श्रेष्ठले आ आफ्नो भनाई राखेका थिए । २१औ शताब्दीको महिला चुल्हो चौकोमा मात्र सिमित नभइ स्वावलम्वनका लागि आय आर्जनका लागि सिप मूलक कार्यमा अगाडि वढ्नको लागि वडा र विभिन्न संस्थाहरु सँग आफ्नो सहयोग रहने वताउदै अगाडि वढ्न सहयोग गर्ने वडाध्यक्ष कार्कीले वताएका छन ।
महिलाको चौतर्फी विकासको लागि यस संस्थाले मासिक रुपमा वचत गर्दै आय आर्जनका लागि सुलभ दरमा ऋण समेत लगानि गरेको छ । सो कार्यक्रम संस्थाका सचिव लिला पराजुलीले संचालन गरेकी थिईन ।
Discussion about this post