लेखनाथ, असोज ४ । लेखनाथ उद्योग वाणिज्य संघको २५ औँ वार्षीक साधारण सभा तथा १३ औं महाधिवेशन अन्र्तगत नयाँ नेतृत्व चयनको लागी शनिवार सम्पन्न मतदान कार्यक्रम को सदस्य खुल्ला तर्फको मतगणना सकिएको छ ।
सदस्य खुल्लामा उम्मेद्वारी दिएका २० जना उम्मेद्वारहरुलाई पराजित गर्दै ८ जनाले जित हासिल गरेका हुन । विजयी हुनेहरुमा विक्रम कर्माचार्य, बुद्धि प्रसाद बाँस्तोला, ध्रुवबाबु भटृराई, ईन्दिरा रोका, जिवन तिवारी, भरत थापा, पुष्पमणि भण्डारी र हरी वस्ताकोटी रहेका छन ।
सदस्य मध्येबाट विक्रम कर्माचार्यले सर्वाधिक धेरै ९ सय ५८ मत लयाएका छन भने बुद्धि प्रसाद बाँस्तोलाले ८ सय ९२, ध्रुवबाबु भटृराईले ८ सय २४, ईन्दिरा रोकाले ७ सय ९४, जिवन तिवारीले ७ सय २१, भरत थापाले ६ सय ७१, पुष्पमणि भण्डारीले ६ सय ७५ र हरी वस्ताकोटीले ६ सय २९ मत ल्याउन सफल भएका हुन ।
यस्तै महिला सदस्यमा उम्मेदवारी दिएका ५ जना मध्येबाट २ जना विजयी भएका छन । विजयी हुनेहरुमा गंगा कुमारी मल्लले ८ सय ९५ मत प्राप्त गरेकी छिन भने रञ्जना बराल ७ सय ९१ मत प्राप्त गरेकी छिन ।
पदाधिकारीहरु तर्फको मत गणना अन्तिम चरणमा रहेको र केही वेरमा घोषणा हुँदैछ भने वरिष्ठ उपाध्यक्ष पदमा विनोद श्रेष्ठ, प्रथम उपाध्यक्षमा राजेन्द्र ओझा, द्धितीय उपाध्यक्षमा गोपिचन्द्र बाँस्तोला, महासचिवमा उपेन्द्रराज सुवेदी र कोषाध्यक्षमा भरतराज ओझाको अग्रता कायम रहेको छ ।
Discussion about this post