लेखनाथ, २७ भदौ । लेखनाथ उद्योग वाणिज्य संघको १३ औं महाधिवेशनको प्रथम उपाध्यक्ष पदमा व्यवसायी राजेन्द्र ओझाले आफ्नो उम्मेदवारी प्रस्तुत गरेका छ्न् ।
स्थापनाकालदेखि साधारण सदस्यमा आवद्ध रहेका पुराना व्यबसायी ओझाले विभिन्न उपसमितिमा रहेर काम गर्दै बि सं २०७२ मा कार्यसमिति सदस्यमा अत्याधिक मतले जित्दै संघ प्रवेश गरेका हुन्। एक कार्यकाल कोषाध्यक्ष र एक कार्यकाल द्धितिय उपाध्यक्ष पदमा बसेर संघलाई महत्वपूर्ण योगदान दिईसकेका छन्।
“सिर्जनशील, उद्यमशीलता र आर्थिक समृद्धि आजको आवश्यकता” भन्ने नारा लिएर चुनावी मैदानमा उत्रीएका ओझाले विगतका चुनावमा जस्तै यसपाली पनि व्यबसायी हरुले प्रथम उपाध्यक्ष पदमा जिताउने कुरामा बिश्वस्त रहेका छन् ।
उनी भन्छन् – “म संग स्पष्ट भिजन छ, उद्योगी तथा व्यबसायीलाई व्यबसाय गर्नको लागि लेखनाथ शहरलाई नयाँ पोखरा निर्माण गर्न विभिन्न निकाय संग आवश्यक पहल गर्नेछु। यो मेरो मुख्य एजेन्डा हो।”
“व्यबसायीहरुको हक हित संरक्षण गर्न, पर्यटन बिकासका लागि विभिन्न निकायमा समन्वयको भुमिका खेल्न, बजार व्यबस्थापनमा सहजीकरण गर्दै कृषि उपज खरिद बिक्री केन्द्रलाई व्यबस्थापन रुपले संचालन गर्न मेरो उम्मेदवारी रहेको छ।”
“दर्ता नै नगरी व्यबसाय गर्दै आएका पोके व्यबसायी लाई निरुत्साहित गर्दै व्यबसायीलाई परेका समस्या र मर्कामा उद्योग वाणिज्य संघ अभिभावक बन्नुपर्छ” ओझाले भने।
व्यवसायीहरु संग प्रत्यक्ष भेटघाट बाक्लो बनाएका ओझाले व्यक्तिको कामको मुल्यांकन हेरेर सक्षम व्यक्तीलाई वाणिज्य संघमा स्थान दिन अनुरोध समेत गरेका छन् ।
पेशाले हार्डवेयर व्यबसायी रहेका ओझा नागरिक परोपकार समन्वय संस्थाको संस्थापक अध्यक्ष हुन्। विभिन्न सामाजिक संघ संस्थाको संलग्नताले सिकाएको अनुभवलाई उद्योग वाणिज्य संघको प्रथम उपाध्यक्ष पदमा रहेर उपयोग गर्ने चुनौती ओझामा रहेको छ।
Discussion about this post