पहिरो पीडितलाई राहत वितरण

२ साउन, लेखनाथ । लायन्स क्लबको जोन 44 अन्तर्गतका क्लबहरु लायन्स क्लब अफ पोखरा मिड टाउन,लायन्स क्लब अफ पोखरा ब्लु स्काई र लायन्स क्लब अफ पोखरा इस्ट टाउनको संयुक्त आयोजनामा तनहुँको रिसिङ गाउँपालिकाका पहिरो पीडितहरुलाई राहत वितरण कार्यक्रम लायन्स क्लब अफ पोखरा मिड टाउनका अध्यक्ष रविराज भूर्तेलको सभाध्यक्षमा सम्पन्न भएको छ ।

कार्यक्रममा लायन्स क्लब अफ पोखरा इस्ट टाउनका अध्यक्ष चिरञ्जीवी न्याैपानेले स्वागत मन्तव्य राखेका थिए भने कार्यक्रमका प्रमुख अतिथि रिसिङ गाउँपालिकाका अध्यक्ष राजेन्द्र कृष्ण श्रेस्ठले मानव सेवाका क्षेत्रमा लायन्सले खेलेको भुमिकाप्रति जति व्याख्या गरे पनि अधुरै हुने धारणा राखे ।

उक्त कार्यक्रममा विशेष अतिथि, District 325 B1 Administrator तथा Zone Mentor किसोर बराल , Cluster 11 का Cluster Chief ठाकुर प्रसाद अधिकारी District Cabinet Additional Secretary विकास भुर्तेल ,District Advisor विष्णु बास्तोला, Zone 44 कि Zone Chairperson देवी तिमिल्सिना, भिमाद नगरपालिकाका जन प्रतिनिधिले समेत आ आफ्नो मन्तव्य राखेका थिए ।\

लायन्स क्लब अफ पोखरा मिड टाउनका सचिव पोषबहादुर भुजेलले सञ्चालन गरेको कार्यक्रममा राहत सङ्कलन कार्यक्रम संयोजक ला. सुना देवी श्रेस्ठ मल्लले यस कार्यक्रममा आर्थिक सहयोग गर्ने सहयोगी हातहरु लगायत सेवाको उत्कृष्ट कार्य गर्न सफल भएकोमा ३ वटै क्लबका अध्यक्ष रवि राज भुर्तेल , हरि प्रसाद बराल , र चिरन्जीवी न्यौपाने लगायतका क्लबका पदाधिकारी तथा क्लब परिवारलाई हार्दिक बधाई तथा कृतज्ञता ब्यक्त गरेको कुरा लायन्स क्लब अफ पोखरा इस्ट टाउनका सचिव प्रदीप पोख्रेलले जानकारी दिए ।