नेपाल प्रजातान्त्रिक महासंघ कास्कीको परिचयात्मक बैठक सम्पन्न

पोखरा २८, चैत्र । नेपाल प्रजातान्त्रिक महासंघ कास्कीको परिचयात्मक प्रथम बैठक शुक्रबार सम्पन्न भएको छ। महासंघ कास्कीका अध्यक्ष सुरेन्द्र राज अधिकारीको अध्यक्षतामा सम्पन्न बैठकले नयां सदस्य हरु बिच परिचयात्मक कार्यक्रम सहित नयाँ वर्षको शुभकामना आदानप्रदान गरेको छ।
कार्यक्रममा जिल्ला उपाध्यक्ष अन्जु अधिकारी, जिल्ला सचिब क्षेत्र बहादुर क्षेत्री, जिल्ला कोषाध्यक्ष छत्रधर आत्रेय, सह प्रा. डा. यामनाथ तिमिल्सिना, जिल्ला युवा समिति संयोजक धनेश्वर न्यौपाने, रविरमण तिवारी, केशरी रमण न्यौपाने लगायतले बोलेका थिए।
बक्ता हरुले विभिन्न शुभेच्छुक सङ्घ संस्थाहरुले पनि राष्ट्रव्यापी संगठनको कार्यात्मक तदारुकता देखाउन नसकेको परिवेशमा नेपाल प्रजातान्त्रिक महासंघले संपूर्ण बौद्धिक वर्गलाई समेटेर सांगठनिक कार्यलाई अगाडि बढाउँदा पार्टीका तर्फबाट पूर्णरुपमा सहयोग रहने प्रतिबद्धतासंगै पार्टीको समग्र परिस्थितिको जिम्मेवारीता बहन गर्ने जिम्मेवारीसमेत यस महासंघले लिनुपर्छ भन्ने आ आफ्नो विचार ब्यक्त गरे ।
अध्यक्ष अधिकारीले नेपाली काङ्ग्रेसमा बुद्धिजीवी, बैंकर्स, कानुनविद्, सहकारीकर्मी, नेपाल सरकारका विभिन्न तह–पदबाट सेवा निवृत्त भएका सम्पूर्ण बुद्धिजीवीहरुबाट पार्टीलाई सहयोग र संगठन सुदृढीकरण विकास र बिस्तार गर्नका लागि यो महासंघको गठन भएको हुनाले सहयोग र प्रतिवद्धताको लागि हार्दिक अनुरोध गरेको जिल्ला प्रबक्ता सचिन रानाभाटले जानकारी दिएका हुन्।