लेखनाथ, १५ फागुन ।
लियो क्लब अफ लेखनाथ सहाराले शनिबारको दिन स्वच्छ अनि सुन्दर समाज निमार्णका निम्ति अग्रगामी भन्ने नाराका साथ पोखरा महानगरपालिका २७ तालचोकको प्रतिक्षालय परिसरमा सरसफाइ कार्यक्रम सम्पन्न गरेको छ ।
लायन्स क्लब अफ लेखनाथका अध्यक्ष शंकर पौडेलको प्रमुख आतिथ्यमा सम्पन्न उक्त कार्यक्रम बिहान सात बजे सुरु भएर दिउँसो १२ बजे समापन भएको थियो। उक्त कार्यक्रममा लियो क्लब अफ लेखनाथका अध्यक्ष आदर्श लामिछानेले शुभकामना मन्तब्य दिएका थिएन । प्रमुख अतिथि शंकर पौडेलले कुचो लगाएर औपचारिक रुपमा कार्यक्रमको सुरुवात गरेका थिए । क्लबबाट विभिन्न समयमा विभिन्न ठाउँमा यस किसिमको कार्यक्रम तथा एउटा प्रतिनिधित्व गरेर समाजमा सचेतना जगाउनु पर्ने किसिमका कार्यक्रमहरु गर्दै आएको अध्यक्ष सौरभ सुवेदीले बताउएका थिए ।
स्थानीय बासिन्दाहरुले क्लबले प्रशंसनीय काम गरेको प्रतिक्रिया दिएका छन् । भावी दिनहरुमा सजक अनि सतर्क भएर जथाभावी फोहोर नफाल्ने प्रतिबद्धता समेत स्थानीयले गरेका छन् ।
क्लबका अध्यक्ष सौरभ सुबेदिको अध्यक्षतामा सम्पन्न उक्त कार्यक्रममा जम्मा १८ जनाको सहभागिता रहेको थियो भने कार्यक्रमको संचालन लियो क्लब अफ लेखनाथ सहाराका सचिव सौरभ खत्रीद्वारा गरिएको थियो ।
Discussion about this post