पोखरा महानगरपालिका वडा नंं ३० को पावर हाउसमा रहेको सूनौलो विहानी कास्कीको दोश्रोे वार्षिक साधारणसभा एवम् अधिवेशनले मिलन केसीको अध्यक्षतामा नयाँ कार्यसमिति सर्वसम्मत निर्वाचित गरेको छ । संस्थाको उपाध्यक्षमा विश्वराज लामिछाने, सचिव कृष्णप्रसाद पौडेल, सहसचिव रमेश श्रेष्ठ र कोषाध्यक्षमा विन्दुराज तिवारी रहनुभएको छ ।
त्यस्तै सदस्यहरूमा लक्ष्मी पौडेल, गोविन्द अधिकारी, पद्मा पौडेल, सुवास कंडेल, कृष्ण भुजेल थापा र सुमित्रा श्रेष्ठ रहेका छन् ।
यस अघि साधारणसभा एवम् अधिवेशनको उद्घाटन गर्दै कार्यक्रमका प्रमुख अतिथि राइजीङ् स्टार क्लवका अध्यक्ष विष्णु गुरुङले समस्यामा परेका मस्तिष्क पक्षघात, स्वावलम्व अभिभावक समुहका वाल वच्चालाई जोगाउनु अहिलेको आवश्यकता भएको बताउदै । नेपाल सरकारले ल्याएको वालवालिका सम्वन्धि अधिकार समानुपातिक एवम् प्रभावकारी कार्यान्वयन अपरिहार्य भएको कुरामा जोड दिदै समाज र स्थानीय वासीको पहलमा विगत चार वर्ष अघि स्थापना भएको संस्थालाई र वालवालिकालाई सहयोग गर्नु नै मानवीय सेवा भएको कुरामा जोड दिए ।
संस्थाका सल्लाहकार प्रेम लिगल, लेखनाथ उद्योग वाणिज्य संघकी कोषाध्यक्ष जानुका अधिकारीले समाजमा रहेका अपाङता र पक्षघात वालवालीकालाई पुनःउत्थान गर्दै अघि बढ्नुपर्ने बताउँदै यसका लागि राज्यको बाल मैत्री नीति हुनुपर्ने आवश्यकता औल्याए ।
कार्यक्रममा दिवा सेवा कार्यक्रमकी संयोजक निरु केसी, कर्मचारी कर्मकुमारी खड्का, र दिल कुमारी गूरुङलाई सम्मान गरिएको थियो भने संस्थाका कोषाध्यक्ष विश्वराज लामिछानेले स्वागत राखेको कार्यक्रममा सचिव कृष्णप्रसाद पौडेलले सञ्चालन गर्नुभएको थियो ।
Discussion about this post