माघ १७, लेखनाथ । लेखनाथ जुनियर जेसीजको आयोजनामा शुक्रबार दिप प्रज्वलन कार्यक्रम सम्पन्न भएको छ । जेसीजले शहिद दिवसको अवसर पारेर पोखरा–२७ तालचोकमा दिप प्रज्वलन कार्यक्रमको आयोजना गरेको हो ।
कार्यक्रमको उद्घाटन गर्दै प्रमुख अतिथि लेखनाथ जेसीन वर्ष २०२१ का अध्यक्ष नवराज पौडेलले नेपाली जनतालाई स्वतन्त्रता प्राप्तिका निम्ती आफ्नो ज्यान बलिदान गर्ने शहिदहरुप्रती श्रद्धाञ्जली व्यक्त गर्दै शहिदको सालिकमा माला लाएर मात्र शहिदहरुलाई सम्झना र सम्मान हुने नभएर शहिदका सपनाहरुलाई साकार पार्दै अगाडी वढन सके शहिद दिवसले सार्थकता पाउने वताएका थिए ।
कार्यक्रममा पुर्वअध्यक्षहरुको तर्फबाट सर्वेन्द्र न्यौपाने, अर्जुन ओझा, रोशन अधिकारी, लेखनाथ जेसीजका महासचिव सिपी ढुंगाना, जुनियर जेसीजका निवर्तमान अध्यक्ष सुजन तिमिल्सीना लगायतले शहीदको बलिदानले नै जनतालाई अधिकारसम्पन्न बनाएको र लोकतन्त्रलाई संस्थागत गर्न योगदान पुगेको बताएका थिए ।
लेखनाथ जुनियर जेसीज वर्ष २०२१ की अध्यक्ष शिवानी केसीको अध्यक्षतामा सम्पन्न कार्यक्रममा स्वागत अध्यक्ष सल्लाहकार सुरज बहादुर तिमिल्सेनाले गरेका थिए भने कार्यक्रमको संयोजन आकाश खनाल र उपाध्यक्ष सुधिर पौडेल एवं सञ्चालन महासचिव नविन अधिकारीले गरेका थिए ।
Discussion about this post