हरि खरेल/दुलेगौडा । तनहुँको शुक्लागण्डकी नगरपालिका ८ मा झण्डै ६ सय जना प्राविधित तालिम प्राप्त बनेका छन् । स्थानीय तहको निर्वाचन पश्चात जनप्रतिनिधिको आगमनसँगै वडाले एक घर एक प्राविधिक तयार पर्ने लक्ष्य लिएको थियो । सोही अनुसार यो अवधिमा उक्त संख्यामा प्राविधिक तालिम प्राप्त जनशक्ति उत्पादन गर्न सफल भएको वडाध्यक्ष कृष्णप्रसाद रेग्मीले जानकारी दिए ।
रेग्मीले गत बर्ष कोरोना महामारीका कारण स्थगित भएको तालिम बुधबारबाट वडामा सञ्चालन भएको समेत जानकारी दिएका छन् । वडाका नागरिकहरुलाई तालिम प्रदान गर्न वडा कार्यालयले कान्तिपुर बहुप्राविधिक शिक्षालय भरतपुर चितवनसँग सहयकार्य गरेको छ ।
बुधबारबाट वडा भित्रका ४० जनाले प्लम्विङ्ग र सिलाई बुनाईको तालिम लिन सुरु गरेका छन् । वडाध्यक्ष रेग्मीले अन्य तालिम भन्दा सिलाई बुनाईको तालिमबाट उत्पादित जनशक्ति आत्मानिर्भर बन्न थालेको बताए । उनले तालिम पश्चात महिलाहरु स्वरोजगारका साथै अन्यलाई समेत काम दिन सक्ने अवस्थामा पुगेको भन्दै खुशी ब्यक्त गरे ।
Discussion about this post