दमौली । जनता र समाजको सेवामा खटिने कपिपय प्रहरीको कार्यालय अझै पनि बन्न सकेको छैन । देशभर रहको प्रहरी कार्यालयहरु मध्य ५ सय ६३ वटा प्रहरी कार्यालयहरु अझै पनि भाडाको भवनबाट सञ्चालिन रहेको पाइएको छ ।
भाडाको भवनमा बस्नुसपर्दा बार्षिक १० करोड २९ लाख रुपैयाँ खर्च हुने गरेको प्रहरी प्रधान कार्यालय काठमाण्डौले जनाएको छ । यसरी भाडामा कार्यालयहरु सञ्चालन हुदाँ राज्यको खर्च बढि हुने प्रहरी प्रधान कार्यालयका प्रवक्ता वसन्त कुँवरल जानकारी दिए ।
आफ्नै कार्यालय नहुँदा साँघुरो ठाउँबाट सेवा प्रवाह गर्नुपर्ने बाध्यता रहेको छ । जसको लागि सरकारले कुनै कदम नचालेको प्रवक्ता कुँवरले बताएका छन् । “भाडाका भवनबाट कार्यालय सञ्चालन गर्नुपर्ने बाध्यता प्रहरीलाई छ, अझ कति प्रहरी कार्यालय त साँघुरा छन्, त्यस्तो ठाउँबाट सेवा प्रवाह गर्न प्रहरीलाई कठिनाइ भइरहेको छ ।” कँुवरले बताए । उनका अनुसार देशभर प्रहरीका सबैजसो कार्यालयको संख्या १ हजारको हाराहारीमा छ । तीमध्ये आधाभन्दा बढी कार्यालय भाडाका भवनबाट सञ्चालन हुने गरेका छन् ।
प्रहरी प्रधान कार्यालयका अनुसार सबैभन्दा धेरै वाग्मती प्रदेशभित्रका प्रहरी कार्यालयहरू भाडाका भवनबाट सञ्चालन हुँदै आइरहेका छन् ।
Discussion about this post