पशुपतिनाथ मन्दिर खुलेसंगै भक्तजनहरुको चहल पहल बढ्यो

काठमाडौँ । कोरोना महामारीका कारण सरकारले घोषणा गरेको लकडाउन संगै बन्द रहेको पशुपतिनाथ आजबाट भक्तजनका लागिष् खुल्ला गरिएको छ ।

हिन्दु धर्मावलम्बीहरुको आस्थाको केन्द्र पशुपतिनाथ मन्दिर आजबाट सर्वसाधारणका लागि खुला गरिएको हो । हिजो क्षमापूजा गरेर आजबाट खुला गरिएको हो । कोरोना संक्रमणको जोखिमका कारण नौ महिनादेखि बन्द भएको मन्दिरमा आज बिहानै पूजाका लागि भक्तजन पुगेका छन् ।

स्वास्थ्य सुरक्षाका साथ भक्तजनहरुलाई मन्दिर दर्शन गराइएको छ । पशुपति क्षेत्र विकास कोषका तर्फबाट स्वयम्सेवक तथा नेपाल प्रहरी र शसस्त्र प्रहरीको उपस्थितीका बिच भक्तजले आज पशुपति दर्शन गरेका छन् ।

मन्दिरको पश्चिम ढोकोबाट भक्तजनहरुलाई प्रवेश दिइएको छ भने सोही ढोकाबाटै बाहिर निस्कने व्यवस्था मिलाइएको छ । मन्दिर प्रवेश गर्ने भक्तजनले अनिवार्य मास्क लगाउनुपर्नेछ । भने विकास कोषले हेल्थ प्रट्रोकललाई ध्यानमा राखेको छ ।