हरि खरेल/दुलेगौडा । तनहुँमा आईतबार ८ जनामा कोरोना संक्रमण पुष्टि भएको छ । संक्रमण हुनेहरुमा शुक्लागण्डकीमा १, घिरिङमा २, आबुँखैरेनीमा २ र व्यासमा ३ गरी ८ जनामा कोरोना संक्रमण पुष्टि भएको गण्डकी प्रदेश स्वास्थ्य निर्देशनालय पोखराका निर्देशक डा.बिनोदबिन्दु शर्माले जानकारी दिनुभयो ।
जिल्लाको शुक्लागण्डकी नगरपालिका वडा नं. २ की २७ बर्षीय एक महिलामा कोरोना संक्रमण पुष्टि भउको छ । यस्तै गरी घिरिङ गाउँपालिका वडा नं. १ की २९ बर्षीय महिला र वडा नं. ३ की २६ बर्षीय महिलामा समेत कोरोना संक्रमण देखिएको स्वास्थ्य निर्देशनालय पोखराले जनाएको छ ।
यसं गरी व्यास नगरपालिका वडा नं. ८ की ५८ बर्षीय महिला, वडा नं. १ की २८ बर्षीय महिला र वाड नं. ३ का ८० बर्षीय बृद्ध गरी ३ जनामा कोरोना संक्रमण देखिएको छ । साथै जिल्लाकै आबुँखैरेनी गाउँपालिका ३ का ८० बर्षीय पुरुष र ७५ बर्षीय महिलामा समेत कोरोना संक्रमण पुष्टि भएको स्रोतले जनाएको छ ।
Discussion about this post