तनहुँ । काँग्रेसले पौडेललाई प्रहरीले दुब्र्यबहार सहित नियन्त्रण लिएको भन्दै देशभर विरोध जनाएको छ । विरोध सहित बुधबार हिजो हुन नसकेको मोटरेबलको पुलको उद्घाटन आज विहिबार गर्ने काँग्रेसको तयारी छ । तर तनहुँका प्रमुख जिल्ला अधिकारी सागर आचार्यले अनुमति र समन्वय विना कुनै पनि कार्यक्रम हुन नदिने चेतावनी दिनुभएको छ ।
बिहीबार बिहान एक रेडियो अन्तर्वार्तामा कुराकानी गर्दे सीडीओ आचार्यले कांग्रेस नेता पौडेललाई पुल उद्घाटन गर्न नदिने स्पष्ट पार्नुभयो । उहाँले कांग्रेसलाई तनहुँमा प्रदर्शन गर्न पनि नदिने बताउनुभएको थियो ।
सीडीओ आचार्यले सम्भावित ठूलो दुर्घटना रोक्नका लागि निषेधाज्ञा लागू गरेर वरिष्ठ नेता पौडेललाई तीन घण्टा नियन्त्रणमा लिएर छाडिएको जनाउदै केन्द्र सरकारको निर्देशनमा पुल उद्घाटन गर्न नदिएको दोहो¥याउनुभयो । ‘केन्द्र सरकारबाट निर्माण भएको ठेक्का हो । समन्वय नगरेर उद्घाटन गर्न खोजिएको रहेछ’, सीडीओ आचार्यले भने, ‘ती कार्यालयहरूले लिखित रुपमा भनेपछि मैले रोकेको हुँ ।’
‘अर्को पक्ष राष्ट्रिय युवा संघले रोक्न भनेर मेरो कार्यालयमा घेराउ र नाराबाजी भयो’, उहाँले भन्नुभयो, ‘निषेधाज्ञा लागू भएको थियो ।
उल्लंघन गरेपछि रामचन्द्र पौडेललाई नियन्त्रणमा लिइएको हो ।’
प्रमुख जिल्ला अधिकारीले आचार्यले प्रधानमन्त्रीको निर्देशनमा कांग्रेसका नेता पौडेललाई पक्राउ नगरिएको पनि बताउनुभएको थियो ।
नेकपाका कार्यकर्तालाई पनि पक्राउ गरेका छौँ । सम्भावित झडपलाई रोक्न निषेधाज्ञा लागू गरिएको हो’, उहाँले भन्नुभयो, ‘भौतिक पूर्वाधार मन्त्रालयले रोक्न भनेर पठाएको मसँग चिठी छ ।’
‘राष्ट्रिय युवा संघले प्रतिकार गर्ने भनेको थियो । त्यहाँ ठूलो जोखिम हुने संभावना थियो’, उहाँले भन्नुभयोे, ‘विभिन्न पक्षबाट पौडेललाई आक्रमण गर्ने योजना थियो ।’
आचार्यले सरकारको निर्देशनलाई आफूले मान्ने बताउनुभयो । ‘रामचन्द्र पौडेलले फेरि पनि पुल उद्घाटन गर्न जान खोजे सरकारले जे भन्छ त्यही गर्छु । कांग्रेसलाई जुलुस प्रदर्शन गर्न दिन्न । पुल उद्घाटन गर्न पनि दिन्न’, उहाँले चेतावनी दिँदै भनेका भयो, प्रशासनको आज्ञापालना नगरि अघिबढे हामी पनि सोही अनुरुप निर्णय लिइन्छ ।”
यता वरिष्ठ नेता पौडेल निटक एक नेताका अनुसार हिजो उद्घाटन हुन नसकेको कार्यक्रम विहिबार विहान ११ बजे उद्घाटन गर्ने कार्यक्रम तय भएको छ । उहाँले उपभोक्ताको माग अनुसार पुल उद्घाटन गर्ने आफुहरुको कार्यक्रम कुनै पनि हालतमा पुरा गरेरै छाड्ने दावि गर्नुभयो । उहाँले राजाबादीहरुलाई सभा, सम्मेलन, जुलुस गर्न दिने र काँग्रेसको कार्यक्रम भने रोक्न खोजिएको भन्दै असन्तुष्टी ब्यक्त गर्नुभयो ।
Discussion about this post