दुलेगौडा । तनहुँको शुक्लागण्डकी नगरपालिकाका मेयर किसान गुरुङ्गलाई कोरोना संक्रमण पुष्टि भएको छ । नगरपालिका स्वास्थ्य शाखा कार्यालयका अनुसार मंगलबार मेयर गुरुङको रिपोर्ट पोजेटिभ आएको हो । कन्ट्याक ट्रेसिङमा पर्नुभएका ५० बर्षिय गुरुङले आइतबार नमुना परीक्षणका लागि स्वाव दिनुभएको थियो ।
मेयर गुरुङको स्वास्थ्य अवस्था सामान्य रहेको र अहिले घरमै आइसोलेट भएर बस्नु भएको स्वास्थ्य शाखा प्रमुख अजय श्रीवास्तवले जानकारी दिनुभयो ।
मेयरमा कोरोना संक्रमण पुष्टीग गर्दै नगरपालिकाले कर्मचारीको पिसिआर गर्नुपर्ने भएकाले आगामी शुक्रबार सम्मका लागि सम्पूर्ण सेवा रोक्ने निर्णय गरेको छ । एक सुचना जारी गर्दै नगरपालिकाले शुक्रबार सम्म नगरपालिका र वडा कार्यालयहरु बन्द गर्ने जानकारी दिएको छ । साथै नगरपालिकामा कोरोनाको जोखिम उच्च रहेको भन्दै सतर्कता अनाउन पनि आग्रह गरेको छ ।
त्यस्तै मंगलबार नगरपालिकाका थप पाँच जनामा संक्रमण पुष्टि भएको छ । वडा नं—७ का ६६ र ३० बर्षिय पुरुष तथा १३ बर्षिया बालिका,वडा नं–४ की ५१ बर्षिया महिलामा पनि संक्रमण देखिएको हो । संक्रमण देखिएका सवैको स्वास्थ्य अवस्था सामान्य रहेकाले घरमै सुरक्षित तरिकाले बस्न भनिएको स्वास्थ्य शाखा प्रमुख श्रीवास्तवले बताउनुभयो ।
सोमबार पनि नगरपालिकाका वडा नं(८ का ३५ र वडा नं ९ को ८३ बर्षिया महिलामा संक्रमण पुष्टि भएको थियो । योसंगै शुक्लागण्डकीमा कोरोना संक्रमितको कुल संख्या १ सय ९७ पुगेको छ ।
Discussion about this post