अशोक विश्वकर्मा, दुलेगौडा । पछिल्लो समयमा तनहुँको शुक्लागण्डकी र आसपासको क्षेत्रमा फुल खेति गर्ने कृषकहरु बढि रहेका छन् । नेपालीहरुको दोस्रो ठुलो पर्वको रुपमा परिचित तिहार घर आँगनमा भित्रदै गर्दा यहाँ फुल खेति गर्ने किसानहरुमा विशेष ब्यस्तता बढेको पाइन्छ ।
बारी र काल्नामा ढकमक्क फुलेका सयपत्रीलाई मालामा उनेर बजार पु¥याउन किसानहरु खुशी मुद्रामा ब्यस्त देखिन्छन् । शुक्लागण्डकी नगरपालिका ३ की दुर्गा खत्री पाँच जनाको समुहमा लगाएको सयपत्री फुलको मालाको माग आएपछि पछिल्ला दिन विहान देखि बारिमा नै ब्यस्त देखिनुहुन्छ ।
फुल खेतिबाट राम्रो फाइदा हुने अपेक्षा लिनुभएकी खत्रीलाई आजभोलि कवासेमा रहेको सयपत्री एग्रो फर्ममा माला उन्दै गरेको अवस्थामा देखिन्छ । अघिल्लो बर्ष रहरले लगाएको फुलले राम्रो आम्दानी दिए पछि यस वर्ष पनि फुल खेति गरेको उहाँ बताउनुहुन्छ । उहाँले बजारमा माग भए अनुसार माला पु¥याउन नसक्दा फुल खेति गर्ने उत्साह थपिएको बताउनुभयो ।
खत्रीसँगै माला उनिरहेका अर्का किसान माधवराज खनालले फुललाई बर्षै भरि उत्पादन गर्न सकिने भएता पनि खपत गर्ने बजार पायक नपर्दा उत्पादन गर्न नसकिएको बताउनुभयो । “मन्दिरको नजिक भएको भए राम्रो हुन्थ्यो, चाडबाडमा त पु¥याउनै गाह्रो भएको छ” खनालले भन्नुभयो “एक थुंगाकै पाँच रुपैयाँ पर्ने भएकाले राम्रै आम्दानी हुने रहेछ । ” खनालसँग अन्य पाँच जना सदस्यले सामुहिक रुपमा लगाएको फुल बेचेर तिहारमा मात्र झण्डै १ लाख ५० हजार आम्दानी गर्ने उनीहरुको योजना रहेको छ ।
सयपत्री एग्रो फर्मसँगै शुक्लागण्डकी नगरपालिका वडा न ९ सुरौदी किनारमा सयपत्री फुल फुलाएका ऋषेश्वर भुवाईले फुल खेतिमा आर्थिक समृद्धीको सम्भावना प्रचुर रहेको बतानुभयो । उहाँले बजारमा फुलको मागले उत्साह जगाएको भन्दै भारतीय फुललाई अझै पनि विस्थापित गर्न नसक्नु नेपाली कृषकहरुका लागि लज्जाका विषय भएको बताउनुहुन्छ । “ विषादी हालेको भारतीय फुल उपभोग र्नुपर्ने बाध्यतालाई हटाउन सम्भावना नै सम्भावना रहेको फुल खेति गर्नु उपयुक्त छ ।” उहाँले भन्नुभयो ।
भुवाईले फुल खेति गर्न इच्छुक कृषकहरुलाई प्राविधिक ज्ञानका कमि हुने गरेको भन्दै फुल खेति सम्वन्धि तालिमको आवश्यकता औल्याउनुभयो ।
उहाँहरुले शुक्लागण्डकी नगरपालिका दुई स्थानमा गरि झण्डै ३ रोपनी क्षेत्रफलमा सयपत्री फुल उत्पादन गर्नुभएको छ । यहाँ उत्पादन हुने फुल शुक्लागण्डकी बजार सँगै पोखराका बजारमा खपत हुने गरेको छ । फुल उत्पादकहरुले सिजनको बेलामा पोखराको बजारमा मात्र झण्डै करोड बराबरको फुल खपत गर्न सक्ने अनुभव सुनाउने गरेका छन् ।
Discussion about this post