सुनसरीमा ५ महिनाको अवधिमा १ सय ३५ जनाले आत्महत्या गरेका छन् । आत्महत्या गर्नेमा महिलाको संख्या बढी रहेको छ । सो अवधिमा ७२ जना महिलाले हात्महत्या गर्दा ६३ जना प्ुरुषले आत्महत्या गरेका छन् । उक्त अवधिमा २० वर्ष मुनिका १९ जनाले आत्महत्या गरेको सुनसरी प्रहरीले जनाएको छ ।
आत्महत्या गर्नेमा ९५ जनाले विष सेवन गरेका छन् भने ४० जनाले झुण्डिएर आत्महत्या गरेको प्रहरीले जनाएको छ । प्रहरीका अनुसार उक्त संख्या अघिल्लो वर्षको दाँजोमा बढी हो । आत्महत्याका घटना बढ्नुलाई प्रहरीले पारिवारिक कलह प्रमुख कारक ठानेको छ ।
घरायसी विवाद, झैझगडा, गरिबीसँगै अशिक्षा र चेतनाको कमीका कारण आत्महत्या गर्ने गरेको अनुसन्धानको क्रममा देखिएको सुनसरीका प्रहरी प्रमुख यज्ञबिनोद पोखरेलले बताए । जिल्ला प्रहरी कार्यालय सुनसरीले पत्रकार सम्मेलनको आयोजना गरी आत्महत्याको ५ महिनेसहित अन्य चार महिने अवधीकको कार्यसम्पादन र प्रगति विवरण सहित घटनाक्रम लगायतको विषयमा जानकारी गराएको होे ।
प्रहरीले चोरी चस्करीमा कमी आउनुकासाथै शान्ति सुरक्षामा सुधार आएको र राजश्व संकलनमा वृद्धि भएको उल्लेख गरेको छ । पत्रकार सम्मेलनमा प्रहरीले चाडपर्व लक्षित सुरक्षा योजना समेत सार्वजनिक गरेको छ । भरपर्दो सुरक्षा बन्दोवस्ती मिलाइएको बताएको सुुनसरी प्रहरीले जुवातास, चोरी, कालोबजारी र तस्करी नियन्त्रण गर्दै शान्तिपूर्ण वातावरणमा दशैं मनाउने गरी सुरक्षा प्रवन्ध मिलाइएको जनाएको छ/
Discussion about this post