रामशरण नेपाली
चैत्र १०, लेखनाथ ।
एनआईसी एशिया बैंक लिमिटेडले पोखरा–२९ पावर हाउस शाखा ले आफ्ना ग्राहकहरूलाई वित्तिय साक्षरता तथा डिजिटल बैंकिङसम्बन्धी अनुशिक्षण कार्यक्रम सम्पन्न गरेको छ ।
‘ग्लोबल मनी वीक २०२५’ को अवसरमा पोखरा–२७, तालचोक स्थित त्रिवेणी ईन्टरनेशनल कलेजमा आयोजित कार्यक्रममा शाखा प्रमुख रेशमलाल श्रेष्ठले सहभागीहरूलाई वित्तीय व्यवस्थापन, बचत, लगानी, बीमा तथा बैंकिङ्ग सेवाबारे जानकारी दिएका थिए ।
यस्तै बैंकका एक्सपिरियन्स म्यानेजर कमल गौतमले सहभागीहरूलाई मोबाइल बैंकिङ, इन्टरनेट बैंकिङ, मिसकल बैंकिङ, संस्थागत बैकिङ कारोबारका बारेमा जानकारी गराएका थिए ।
उक्त अवसरमा क्याम्पसका प्रमुख यदुराज आचार्य र सहायक क्याम्पस प्रमुख डिल्लीराम पौडेलले बैंकीङ साक्षरताको महत्वको विषयमा वताउँदै भविष्यलाई सुरक्षित गराउन विद्यार्थीहरूलाई बचतमा ध्यान दिन पनि सुझाएका थिए ।
कार्यक्रममा ५० जना भन्दा वढि विद्यार्थीहरुको सहभागीता रहेको थियो । युवामा वित्तीय शिक्षाको महत्वबारे जागरण ल्याउने उद्देश्यले वार्षिकरूपमा विश्वभर मनाइँदै आएको विश्व वित्तीय सप्ताह (ग्लोवल मनी विक) नेपालमा चैत ६ देखि १२ गते (मार्च २०–२६) सम्म मनाइने भएको हो ।
सन् २०१२ देखि हरेक वर्षको मार्च महिनामा मनाउन सुरु गरिएको यो सप्ताह अर्गनाइजेसन अफ इकोनोमिक कोअपरेसन एन्ड डेभलपमेन्ट (ओइसिडी) को संयोजनमा विश्वका धेरै मुलुकमा मनाइँदै आएको छ ।
नेपालमा नेपाल राष्ट्र बैंकको संयोजनमा, बैंक तथा वित्तीय संस्था, सहकारी विभाग तथा सहकारी संस्था, नेपाल बीमा प्राधिकरण, नेपाल धितोपत्र बोर्ड, नेशनल बैंकिङ इन्स्टिच्युट, कर्मचारी सञ्चय कोष, नागरिक लगानी कोषलगायत निकाय तथा संस्थाले यो सप्ताह मनाउनेछन् ।
ग्लोबल मनी वीकको अवसरमा नेपाल राष्ट्र बैंकका गभर्नर महाप्रसाद अधिकारीले वित्तीय साक्षरता सम्बन्धी शिक्षा विद्यालयको पाठ्यक्रममा नै समावेश गर्ने पहल भइरहेको समेत बताएका छन् ।
यसैविच एनआईसी एशिया बैंक लिमिटेडले नजिकिदै गरेको नयाँ वर्ष विक्रम संवत २०८२ सालको हार्दिक शुभकामनासहित आकर्षक साजसज्जामा डिजिटल क्यालेन्डर पनि सार्वजनिक गरेको छ ।
नयाँ वर्ष २०८२ ले सम्पूर्ण ग्राहक महानुभावहरु तथा सम्बन्धित सम्पूर्ण सरोकारवालाहरु नयाँ आशा, भरोसा एवं उमंग प्रदान गरोस् भन्ने शुभेच्छाका साथ सरल तथा सहज सुविधाको लागि भनेर डिजिटल क्यालेन्डर सार्वजनिक गरेको हो ।
डिजिटल क्यालेन्डरमा बैंकले नेपाल सरकारद्वारा प्रकाशित राजपत्रमा उल्लेख भएका बिदा, चाडपर्व, दिवस, पञ्चांग तिथि लगायतका विवरणहरू समावेश गरिनुका साथै आफ्ना विभिन्न प्रोडक्ट तथा सेवाहरुसहित बैंकको नयाँ बनेका भवनहरुको तस्बिरहरुसहित वाल तथा टेबल क्यालेन्डरको आकारमा उक्त डिजिटल क्यालेन्डर बैंकको आधिकारिक वेबसाइट मार्फत सार्वजनिक गरेको छ ।
Discussion about this post