लेखनाथ, ९ जेठ । लेखनाथ उद्योग वाणिज्य संघमा व्यवसायीहरुका लागी आयोजित निशुल्क आधारभुत लेखा तालिम बुधबार सम्पन्न भएको छ । पोखरा महानगरपालिका व्यवसाय प्रर्वद्धन केन्द्रको आयोजना र लेखनाथ उद्योग वाणिज्य संघको सहकार्यमा व्यवसायीहरुको क्षमता अभिवृद्धिको लागी गत बिहिबारदेखी तालिमको आयोजना गरिएको थियो ।
तालिमको समापन कार्यक्रमलाई सम्बोधन गर्दै पोखरा महानगरपालिका शहरी योजना आयोगका उपाध्यक्ष प्रेमलाल लामिछानेले अहिलेको समय उद्यम व्यवसायको युग भएको वताउँदै व्यबसायको प्रर्बद्धन मार्फत सम्पुर्ण महानगरको समुन्नती हासिल गर्नको लागी पोखरा महानरपालिका व्यबसाय प्रर्बद्धन केन्द्र लागिरहेको वताएका थिए । उनले व्यवसायीक क्षेत्रको विकासको लागी सरकार एक्लैले मात्र केही गर्न नसक्ने वताउँदै यस्ता कार्यक्रमहरुमा निजि क्षेत्रको सहकार्य र एक किसीमका तालीमहरु कोसेढुंगा सावित हुने वताएका थिए ।
यस्तै व्यवसाय प्रर्वद्धन केन्द्र पोखरा महानगरपालिकाका प्रमुख कार्यकारी अधिकृत नवराज अधिकारीले जिवन नै एउटा सिकाई प्रक्रिया मभएको बताउँदै तालिममा हासिल गरेको ज्ञानलाई कार्यक्षेत्र वा व्यवसायमा लागु गरेको खण्डमा मात्र तालिमको उपादयता पुष्टि हुने वताएका थिए ।
उक्त अवसरमा लेखनाथ उद्योग वाणिज्य संघका निर्वतमान अध्यक्ष छत्रधर आत्रेयले व्यवसायीहरुको क्षमता विकास र व्यवसायीक समुन्नतीका लागी संघ सधैं अग्रसर रहेको वताउँदै व्यवसायिहरुको आवश्यकता र माग अनुसार आगामी दिनहरुमा पनि यस प्रकारका तालिमहरु सञ्चालन गरिने बताएका थिए ।
कार्यक्रममा प्रशिक्षार्थीहरुको तर्फबाट प्रभा कुमारी पौडेल र रामराज अधिकारीले तालिम अवधिको आफ्नो अनुभव सुनाउँदै सिकेका कुरालाई व्यवहारमा प्रयोगमा ल्याउने वताएका थिए । ७ दिन सम्म सञ्चालन भएको तालिममा चार्टड एकाउन्टेन्टहरु अपिल सिक्देल र विमल थापाले दोहोरो लेखा प्रणाली र करको विषयमा प्रशिक्षण दिएका थिए ।
संघका अध्यक्ष विनोद श्रेष्ठको अध्यक्षतामा सम्पन्न भएको कार्यक्रमको सञ्चालन महासचिव जानुका पराजुलीले गरेकी थिईन भने धन्यवाद ज्ञापन संघका कार्यसमिति सदस्य एवं तालिम व्यवस्थापन उप–समितिका संयोजक अर्जुन ओझाले गरेका थिए ।
Discussion about this post