लेखनाथ, मंसिर ३०
कास्की क्षेत्र नं मा क्रियाशील पत्रकारिता गर्दै आएका संचारकर्मीहरुको साझा संस्था लेखनाथ पत्रकार मञ्चले आफ्नो आठौं स्थापना दिवस शनिवार सम्पन्न गरेको छ।
पोखरा २७ लेखनाथ चोकमा अवस्थित कवि शिरोमणि लेखनाथ पौड्यालको प्रतिमामा माल्यार्पण एवम् सरसफाई गर्दै मञ्चले आफ्नो स्थापना दिवस मनाएको हो ।
साविक लेखनाथ नगरपालिका क्षेत्रमा रही यस क्षेत्रको उन्ननयनमा पत्रकारिताका माध्यमबाट योगदान गर्ने सञ्चारकर्मीको साझा संस्थाका रुपमा २०६७ साल पुस २१ गते तत्कालीन राष्ट्रिय समाचार समिति पश्चिमाञ्चल क्षेत्रीय कार्यालय (हालको रासस गण्डकी प्रदेश कार्यालय) नयाँ बजार पोखरामा मञ्चको अनौपचरिक स्थापना भएको थियो ।बि सं २०७३ मंसिर ३० गते जिल्ला प्रशासन कार्यालय कास्कीमा बिधिबत दर्ता भएको मितिलाई स्थापना दिवसका रुपमा मनाउँदै आइएको छ ।
यसै बीच मञ्चले हरेक वर्ष पुस १५ गते कवि शिरोमणिको जन्मजयन्तीका अवसर पारेर प्रदान गरिने लेखनाथ पत्रकारिता पुरस्कारको प्रतिभा छनोटका लागि समिति गठन गरेको मंचका सचिव विष्णुहरि पौडेलले जानकारी दिएका छन्।
Discussion about this post